Autori Refit Buzi, i cili vrau ish-vjehrrin e tij me armë gjahu dhe plagosi ish-vjehrrën ka qëlluar veten në makinë.
Sipas infor...
BOTA
Ilaria do të festonte nesër 23-vjetorin, prindërit e saj shpërthejnë në lot: Ne jemi ata që do vuajmë përjetësisht
PiranjatPërditësimi i fundit 19 Maj 2026, 18:43
Prokuroria e Romës kërkon burgim të përjetshëm për Mark Antony Samson, i cili goditi për vdekje ish-të dashurën e tij shqiptare, Ilaria Sula dhe e hodhi trupin e saj, të mbështjellë në një qese, nga një shkëmb, ngjarje e ndodhur në marsin e vitit të kaluar.
Mediat vendase raportojnë se Samson akuzohet për vrasje të rëndë, përfshirë këtu paramendim, dhe fshehje të kufomës, vepër penale e kryer në bashkëpunim me mamanë e tij.
Në argumentet e tyre përfundimtare të mbajtura ditën e sotme, prokurorët deklaruan se vrasja u planifikua nga Samsoni dhe e reja u ekzekutua në mënyrë makabër.
Sipas prokurorisë, Samson dyshohet se e ka goditur Ilarian tre herë në qafë në apartamentin e tij në Via Homs, në lagjen Africano të Romës . Pas krimit të rëndë, së bashku me mamanë e tij Samson arrit të fshihte trupin e Ilarias në një valixhe dhe e braktisën në një përrua në Capranica Prenestina.
Nga hetimet e shtrira në një periudhë 1-vjeçare, prokurorët besojnë se provat rrethanore janë serioze dhe të qëndrueshme sa tashmë është koha e duhur për një vendim për vrasjen e të resë shqiptare që tronditi mbarë opinionin publik, si në shtetin fqinj ku ndodhi ngjarja dhe në Shqipëri.
Gjatë argumenteve të tyre përfundimtare, prokuroria rindërtoi fazat e ndryshme të tragjedisë.
Sipas tyre, Samsoni e zuri në pritë Ilarian në shtëpinë e tij. Ilaria u tërhoq nga grushtat e tij dhe më pas thuhet se ai e ka goditur me thikë. Ndërsa thuhet se djali nuk tregoi mëshirë kur e goditi me grusht dhe më pas e theri me thikë, ndërsa e hodhi tutje si mbeturinë .
Sipas prokurorit, Samsoni është " mësuar të gënjejë” dhje është një person manipulues dhe hipokrit. Ai e kishte zënë në kurth Sulën në një lidhje, ai kishte kontrollin e jetës së saj.
Prindërit e viktimës ishin gjithashtu të pranishëm në sallën e gjyqit, të cilët zemërthyer dakordësohen me kërkesën e prokurorisë për burgim të përjetshëm për Samson.
"Ne dëgjuam sa shumë vuajti vajza jonë dhe jemi dakord me zëvendësprokurorin dhe prokuroren për kërkesën për burgim të përjetshëm", u shprehën Flamur dhe Gëzime Sula.
Ndërsa zbuluan se të nesërmen, më 20 maj, vajza e tyre do të festonte 23-vjetorin, por fatkeqësisht tashmë Ilaria është një engjëll.
"Nesër do të kishte qenë ditëlindja e Ilarias. Ne jemi ata që po vuajmë vërtet një dënim me burgim të përjetshëm, sepse ai është ende gjallë, merr frymë, ha dhe pi. Në vend të kësaj, vajza jonë i ka mbyllur sytë përgjithmonë", shtuan ata.
Kujtojmë se trupi i pajetë i Ilaria Sulës u gjet më 2 prill në një valixhe të hedhur në një humnerë. Ndërsa në fshehjen e këtij krimi që ka tronditur mbarë opinion publik, është përfshirë dhe mamaja e Mark Samsonit, ndja të cilës u caktua 2 vite burgim.
Ndërsa prindërit e Ilarias nuk i kanë pranuar kurrë kërkimfaljet e saj, duke shtuar se ajo shkeli me këmbë gjakun e vajzës së tyre.
