“
Jam penduar, nuk doja ta vrisja. Gjithçka ndodhi shumë shpejt”. Këto janë fjalët e Daniele Sartinit, 29-vjeçari...
BOTA
Incident në ngushticën e Hormuzit! Dy tankerë godasin mina gjatë lundrimit, humbin jetën 2 marinarë filipinas
PiranjatPërditësimi i fundit 2 September 2026, 12:58
Tensionet në Ngushticën e Hormuzit janë përshkallëzuar pas një incidenti të rëndë detar, ku dy anije cisternë janë përfshirë nga flakët pasi, sipas Gardës Revolucionare të Iranit, kanë goditur mina gjatë lundrimit.
Garda Revolucionare iraniane deklaroi se tankerët kishin devijuar nga rruga e përcaktuar nga autoritetet iraniane, pavarësisht paralajmërimeve për rrezikun e një zone të minuar. Sipas versionit të Teheranit, ekuipazhet e dy anijeve u detyruan të braktisnin mjetet, të cilat më pas ranë nën kontrollin e personelit amerikan. Autoritetet iraniane pretendojnë se anijet ishin paralajmëruar më herët nga forcat detare për pasojat e kalimit në një itinerar të konsideruar të rrezikshëm.
Ndërkohë, kompania shtetërore saudite e transportit detar Bahri konfirmoi një tjetër detaj tragjik lidhur me incidentin. Sipas kompanisë, dy marinarë filipinas humbën jetën pas sulmit të së hënës ndaj tanker-it “Sidr”, gjatë kalimit në Ngushticën e Hormuzit. Bahri bëri të ditur se anija u përfshi në një “incident sigurie” gjatë tranzitit në ngushticë natën e 31 gushtit dhe konfirmoi vdekjen e dy anëtarëve të ekuipazhit.
Ngushtica e Hormuzit mbetet një nga pikat më strategjike të transportit detar në botë, ndërsa çdo incident në këtë korridor ka potencial të ndikojë drejtpërdrejt në sigurinë e lundrimit dhe furnizimet globale me energji.
Teherani ka nisur sulme me raketa dhe dronë ndaj objektivave amerikane në Jordani, Kuvajt, Irak dhe Bahrein, pasi forcat amerikane rifilluan sulmet ...
