Irani i “vendos” duart në fyt Trumpit, reagimi ndaj kërcënimit të SHBA: Hakmarrje e pashmangshme

Irani i “vendos” duart në fyt presidentit amerikan Donald Trump… jo në realitet, por në murin e propagandës. Billborde që paraqisnin liderin e Shteteve të Bashkuara, me slogane që lexonin “Hakmarrja është e pashmangshme” u shfaqën në rrugët e Teheranit të shtunën, ndërsa iranianët shprehën skepticizmin e tyre mbi klimën ekonomike të vendit pas luftës.

Menaxheri i një dyqani pajisjesh, Hassan Kootahi, tha se situata ekonomike është shumë më e keqe se në vitet e mëparshme. “Të ardhurat kanë rënë dhe vlera e monedhës sonë është ulur”, u shpreh ai. Ushtria amerikane kreu sulme të reja ajrore ndaj Iranit, ndërsa armëpushimi mes palëve ra dy javë më parë, shkruan A2 CNN. Teherani është kundërpërgjigjur me sulme ndaj aseteve ushtarake amerikane në vendet fqinje arabe.

Ngushtica e Hormuzit mbetet pika që përplas të dyja palët. Trump ka kërcënuar ditët e fundit se do të zgjerojë gamën e objektivave për të përfshirë centralet energjetike dhe urat e Iranit, do të dërgojë forca tokësore për të marrë nën kontroll qendrën e naftës në Ishullin Kharg dhe do të bombardojë një objekt të lidhur me programin bërthamor, të vendosur thellë nën tokë. Megjithatë, të premten, Trump tha se ende nuk kishte marrë një vendim për sulme të reja të mëdha.