Kosova prodhon qumësht, djathë, kos e produkte të tjera të bulmetit.
Fabrikat kanë investuar në teknologji, fermerët kan&e...
BOTA
Irani: Nëse SHBA-të ndërmarrin një operacion tokësor, do të hapim fronte të reja konflikti
PiranjatPërditësimi i fundit 26 Mars 2026, 10:31
Irani ka kërcënuar se nëse SHBA do të ndërmarrë një operacion tokësor kundër tij, do të hapë një front të ri konflikti në një ngushticë strategjikisht të rëndësishme për trafikun global që lidh Detin e Kuq me Gjirin e Adenit.
“Nëse armiku përpiqet të kryejë një sulm tokësor në ishujt iranianë ose kudo tjetërt në territorin tonë, ose nëse kërkon të dëmtojë Iranin me ushtrime detare në Gjirin Persik dhe Gjirin e Omanit, ne do të hapim fronte të tjera si një ‘surprizë'”, tha një zyrtar ushtarak, citon agjencia Tasnim.
Kryetari i Parlamentit iranian, Mohammad Bayer Ghalibaf, tha të mërkurën, se “armiqtë” e Republikës Islamike po përgatiten të pushtojnë një nga ishujt e saj në Gjirin Persik.
“Sipas shërbimeve të inteligjencës, armiqtë e Iranit po përgatiten të pushtojnë një nga ishujt e tij me mbështetjen e një shteti rajonal”, shkroi Ghalibaf në platformën X. Në një skenar të tillë, “e gjithë infrastruktura jetësore e këtij shteti rajonal do të bëhet cak i sulmeve të vazhdueshme”, paralajmëroi ai.
Mediat amerikane kanë raportuar mundësinë që Shtetet e Bashkuara të përpiqen të pushtojnë ishullin iranian Kharg, i cili është strategjikisht i rëndësishëm, nga ku nisen afërsisht 90% e eksporteve të naftës bruto të Iranit, me qëllim që ta detyrojnë Teheranin të rihapë Ngushticën e Hormuzit.
Ushtria amerikane mund ta neutralizojë ishullin Harg “në çdo kohë nëse Presidenti (Donald) Trump jep urdhrin”, tha Shtëpia e Bardhë të premten e kaluar.
