Situatë e paqartë në kombëtaren e Argjentinës, ku grumbullimi i disa prej yjeve për ndeshjet e ardhshme është në ...
BOTA
Ish-kryeministri spanjoll merret nën hetim, kontrolle në zyrën e tij dhe disa kompani të lidhura me të! Ja për çfarë akuzohet
PiranjatPërditësimi i fundit 19 Maj 2026, 14:32
Ish-kryeministri i Spanjë, Jose Luis Rodriguez Zapatero, është vënë nën hetim nga Gjykata e Lartë spanjolle për akuza që lidhen me korrupsion dhe vepra të tjera të dyshuara penale.
Sipas njoftimit të gjykatës, autoritetet kanë kryer kontrolle në zyrën e Zapateros në Madrid, si dhe në tre ambiente të tjera, kompani të lidhura me të, ndërsa ish-kreu i qeverisë është thirrur për të dëshmuar më 2 qershor.
Sipas autoriteteve spanjolle, hetimi lidhet me paketën e ndihmës shtetërore prej 53 milionë eurosh që qeveria spanjolle miratoi në mars të vitit 2021 për kompaninë ajrore Plus Ultra Airlines. Prokuroria po heton nëse fondet publike janë përdorur në mënyrë të parregullt dhe nëse kompania ka shërbyer për pastrim parash të lidhura me interesa venezueliane.
Zapatero, i konsideruar si një aleat i afërt i kryeministrit aktual socialist Pedro Sánchez, ka mohuar më herët çdo përfshirje në shkelje ligjore gjatë një dëshmie në një komision parlamentar.
Çështja pritet të shtojë presionin politik ndaj qeverisë së Sanchez, e cila prej kohësh përballet me hetime të tjera që lidhen me akuza për korrupsion dhe ryshfete që përfshijnë persona të afërt me kryeministrin, si dhe hetime ndaj bashkëshortes dhe vëllait të tij.
