Banorët e Memaliajt kishin dalë në rrugë për të protestuar kundër Reformës Administrative-Territoriale, ndërsa kr...
BOTA
Ish-partneri dhe e dashura rrahin brutalisht 38-vjeçaren, i hedhin lëndë djegëse në fytyrë
PiranjatPërditësimi i fundit 31 Mars 2026, 17:46
Një ngjarje e rëndë dhune është regjistruar në Korinth, ku një 38-vjeçare përjetoi momente tmerri në duart e ish-partnerit të saj dhe të dashurës së tij aktuale.
Sipas raportimeve, rreth orës 23:00 të së hënës, një 40-vjeçar së bashku me partneren e tij 35-vjeçare i kishin zënë pritë viktimës jashtë banesës së saj, në qendër të qytetit.
Ata u fshehën në hyrjen e pallatit dhe sapo gruaja u kthye nga puna, e sulmuan papritur. Fillimisht, autorët e neutralizuan duke e spërkatur me sprej piper dhe duke i hedhur terpentinë (lëndë djegëse) në fytyrë. Më pas, e goditën me grushte në fytyrë dhe në trup, ndërsa 40-vjeçari e kapi nga flokët dhe i përplasi kokën në derën e ashensorit. Nga pamjet e publikuara në media, duken njolla gjaku në hyrjen e pallatit dhe në shkallë, si pasojë e dhunës së ushtruar ndaj saj.
Ndërkohë që 38-vjeçarja ndodhej pothuajse pa ndjenja në tokë, fqinjët dëgjuan britmat dhe dolën për të parë çfarë po ndodhte, duke detyruar autorët të largoheshin nga vendngjarja.
Banorët njoftuan policinë, ndërsa e plagosura u transportua me urgjencë nga ambulanca në spitalin e Korinthit, ku po merr trajtim për plagë të rënda. Policia, përmes strukturave kundër dhunës në familje, arriti të identifikojë dhe arrestojë dy autorët falë kamerave të sigurisë.
Ndaj tyre është ngritur akuza për “plagosje të rëndë”, ndërsa janë paraqitur para prokurorit dhe gjykatësit hetues. Sipas burimeve, 40-vjeçari ka deklaruar se marrëdhënia me viktimën ishte konfliktuale dhe se sulmi ishte një akt hakmarrjeje. /PiranjatNews/
