Kryeministri Edi Rama, në një intervistë me gazetaren Maria Tadeo në kuadër të Euronews Enlargement Summit, foli për rrug&eum...
BOTA
Kaos dhe krime/ Rëndohet situata në Ceuta! Emigrantët marokenë kryejnë sulme seksuale, mes viktimave fëmijë
PiranjatPërditësimi i fundit 1 September 2026, 18:22
Prokurorët spanjollë kanë raportuar një rritje të rasteve të sulmeve seksuale në Ceuta pas fluksit masiv të emigrantëve nga Maroku në fund të korrikut. Sipas kryeprokurores së Ceutës, Silvia Rojas, janë regjistruar 23 sulme seksuale, prej të cilave nëntë kanë pasur si viktima fëmijë.
Ajo tha për gazetën spanjolle “El País” se vajzat emigrante janë veçanërisht të ekspozuara ndaj rrezikut për shkak të statusit të tyre të pasigurt në territor. Kriza nisi pas hyrjes masive të rreth 72 mijë emigrantëve nga Maroku në Ceuta më 30 dhe 31 korrik. Shumica e tyre janë kthyer, por rreth 5 mijë persona vazhdojnë të qëndrojnë në enklavën spanjolle. Sipas autoriteteve, mes tyre ndodhen rreth 1 mijë e 400 deri në 1 mijë e 600 fëmijë, shumë prej të cilëve të pashoqëruar.
Ditët e fundit, tensionet në qytet janë rritur, me përplasje mes emigrantëve dhe banorëve vendas. Situata ka shkaktuar një krizë politike për qeverinë e kryeministrit spanjoll Pedro Sánchez. Agjencia spanjolle e lajmeve Efe raportoi se mes personave të dyshuar për sulmet seksuale janë katër shtetas marokenë, tre spanjollë dhe një belg. Prokurorja Rojas deklaroi se shumë viktima nuk kanë bërë denoncime zyrtare, për shkak të frikës ose për shkak të situatës së tyre të pasigurt në Ceuta.
Shoqata Spanjolle e Epidemiologjisë ka paralajmëruar se dhuna ndaj grave nuk duhet të trajtohet si një fenomen i izoluar, por si një problem më i gjerë social. Ndërkohë, qeveria spanjolle po përballet me kritika nga opozita për mënyrën e menaxhimit të krizës. Partia e djathtë ekstreme Vox ka akuzuar Sánchez se ka humbur kontrollin mbi situatën. Kryeministri spanjoll Pedro Sánchez ka shmangur akuzat direkte ndaj Marokut për organizimin e fluksit të emigrantëve. Ai tha se nuk kishte raporte inteligjence që tregonin për përfshirje të drejtpërdrejtë të autoriteteve marokene.
