Kaos në aeroportet britanike/ Defekti i dytë në dy javë shkakton anulime dhe vonesa, kërkohet dorëheqja e kreut të NATS

Një problem teknik në sistemin britanik të kontrollit ajror ka shkaktuar të hënën vonesa dhe anulime në disa aeroporte të vendit. Problemi u regjistrua në qendrën e NATS në Prestwick të Skocisë dhe preku fluturimet në Skoci, Irlandën e Veriut dhe veri të Anglisë, ndërsa u raportuan probleme edhe në aeroporte të tjera.

Mediat e huaja bëjnë me dije se defekti është i dyti brenda më pak se dy javësh, pasi një problem i mëparshëm më 8 shtator çoi në anulimin e mbi 2 mijë fluturimeve dhe preku qindra mijëra pasagjerë. NATS tha se problemi i fundit ishte i lidhur me një çështje komunikimi dhe se sistemi është rikthyer në funksion, por vonesat vijuan ndërsa linjat ajrore përpiqeshin të normalizonin oraret.

Situata ka shtuar presionin ndaj drejtuesit të NATS, Martin Rolfe. Ryanair ka përsëritur kërkesën për dorëheqjen e tij, ndërsa kompani të tjera ajrore kanë kërkuar masa të menjëhershme për forcimin e sistemeve rezervë dhe qëndrueshmërisë së kontrollit ajror.