Studentët në Universitetin e Korçës kanë vijuar bojkotin e mësimit, në mbështetje të protestës studentore e ...
BOTA
Kaos në Bangladesh/ Nisin protestat, shkak vdekja e liderit të lëvizjes rinore
PiranjatPërditësimi i fundit 19 December 2025, 13:12
Protesta të dhunshme kanë shpërthyer në Bangladesh pas vdekjes së liderit të lëvizjes ronore Sharif Osman Hadi. Qeveria ka shpallur ditë zie kombëtare, ndërsa autoritetet dhe kryeministri i përkohshëm Muhammad Yunus bëjnë thirrje për qetësim të situatës përpara zgjedhjeve të shkurtit.
Protesta të dhunshme kanë shpërthyer në Bangladesh pas vdekjes së Sharif Osman Hadi, një lider i njohur i lëvizjes rinore që luajti rol kyç në rrëzimin e ish-kryeministres Sheikh Hasina në vitin 2024.
Hadi ndërroi jetë në një spital në Singapor, një javë pasi ishte qëlluar nga persona të maskuar në Dhaka.
Ai planifikonte të kandidonte si i pavarur në zgjedhjet e shkurtit, të parat që do të mbahen pas largimit të Hasinës nga pushteti.
Pas lajmit për vdekjen e tij, protestuesit dogjën zyrat e dy gazetave më të mëdha të vendit, The Daily Star dhe Prothom Alo.
Për herë të parë në 35 vite, The Daily Star nuk arriti të botojë edicionin e saj të shtypur për shkak të dëmeve të rënda.
Gazetarë mbetën të bllokuar në ndërtesë dhe u shpëtuan vetëm pas ndërhyrjes së ushtrisë.
Protestat sipas skenarit janë në vijim, ndërsa trupi i Hadit pritet të kthehet në Dhaka mbrëmjen e premtes.
Qeveria e ka shpallur ditë zie kombëtare.
Kryeministri i përkohshëm, Muhammad Yunus, e quajti vdekjen e Hadit “një humbje të pariparueshme për kombin” dhe u bëri thirrje qytetarëve të ruajnë qetësinë.
Megjithatë, shumë protestues po kërkojnë një qeveri revolucionare, duke rritur shqetësimet për sigurinë dhe stabilitetin përpara zgjedhjeve të ardhshme.
