Kriza e migracionit në Ceuta! "Sanchez, kopil, jep dorëheqjen" - Pritje "e ngrohtë" për Kryeministrin spanjoll

Kriza e emigracionit në enklavën spanjolle të Ceutës po thellon tensionet politike në Spanjë, ndërsa kryeministri Pedro Sanchez u përball me protesta dhe thirrje për dorëheqje gjatë vizitës së tij në qytet.

Qindra banorë u mblodhën pranë Pallatit Autonom të Ceutës për të pritur autokolonën e kreut të qeverisë spanjolle. Me të mbërritur Sanchez, protestuesit shpërthyen në fishkëllima dhe brohoritën slogane si "Sanchez, jep dorëheqjen", "Jashtë!" dhe "Sanchez, ti kopil", duke e bërë të qartë pakënaqësinë e tyre për mënyrën se si qeveria ka menaxhuar valën e emigrantëve.

Sanchez zhvilloi një takim me kreun e qeverisë lokale, Juan Vivas, ndërsa ndalesa e tij e parë ishte zona kufitare e Tarajalit, aty ku ditët e fundit është përqendruar presioni më i madh migrator.

Sipas të dhënave të Ministrisë së Brendshme spanjolle, që nga fillimi i krizës kanë hyrë ilegalisht në Spanjë rreth 50 mijë emigrantë, ndërsa autoritetet pretendojnë se afërsisht gjysma e tyre janë kthyer në Marok. Bilanci i viktimave ka shkuar në 41 të vdekur. Nga ana tjetër, autoritetet lokale në Ceuta flasin për një shifër edhe më të lartë, duke e çuar numrin e emigrantëve të paligjshëm në rreth 60 mijë.

Në deklaratat e tij, Sanchez e cilësoi hyrjen masive të emigrantëve si një "sulm" dhe një "shkelje të integritetit territorial të Spanjës". Ai falënderoi Marokun për bashkëpunimin në procesin e riatdhesimit të emigrantëve dhe njoftoi vendosjen e barrierave mbrojtëse në valëthyes për të penguar hyrjet e reja nga deti.

Megjithatë, situata në terren mbetet e tensionuar. Pamjet e publikuara tregojnë emigrantë që vijojnë të kalojnë kufirin dhe të futen në zona të banuara, ndërsa shumë banorë janë detyruar të mbrojnë vetë pronat e tyre, pasi persona të ardhur ilegalisht janë ngjitur në banesa dhe godina private.

Kriza ka shkaktuar reagime edhe në nivel europian. Sipas raportimeve, disa vende kanë kërkuar debat mbi pezullimin e zbatimit të Marrëveshjes së Shengenit për Spanjën, ndërsa kryeministrja italiane Giorgia Meloni thuhet se ka hedhur në tryezë një propozim në këtë drejtim, duke reflektuar shqetësimin në rritje për menaxhimin e kufijve të jashtëm të Bashkimit Europian. /PiranjatNews/