Një tjetër protestë qytetare është thirrur këtë të hënë, më 27 korrik, përpara Parlamentit, me thi...
BOTA
Lavrov kërcënon Perëndimin: Nuk kërkojmë luftë me Evropën, por do reagojmë ndaj çdo provokimi
PiranjatPërditësimi i fundit 10 Dhjetor 2025, 18:33
Ministri i Jashtëm rus, Sergei Lavrov, është rikthyer me deklarata të forta, duke hedhur poshtë mundësinë e një sulmi ndaj Evropës, por paralajmëroi se Moska do të përgjigjet ashpër nëse vendet evropiane ndërhyjnë ushtarakisht në Ukrainë ose prekin interesat ruse.
Gjatë një deklarate për mediat, Lavrov tha se Rusia dhe Shtetet e Bashkuara kanë rënë dakord të vazhdojnë përpjekjet për një zgjidhje paqësore të luftës në Ukrainë, ndërsa akuzoi Bashkimin Europian se po pengon me qëllim procesin diplomatik.
“Ne nuk kemi asnjë plan për të shkuar në luftë me Evropën, nuk kemi mendime të tilla. Por do t’i përgjigjemi çdo veprimi armiqësor ndaj nesh, përfshirë vendosjen e njësive ushtarake evropiane në Ukrainë apo sekuestrimin e pronës ruse,” tha Lavrov.
Shefi i diplomacisë ruse shtoi se Evropa po mashtron veten, duke besuar se mund ta mposhtë Rusinë, ndërsa sipas tij, “po përdor qytetarët ukrainas si mjete në këtë luftë politike dhe ekonomike.”
Lavrov përmendi gjithashtu edhe Presidentin amerikan Donald Trump, duke e cilësuar “të vetmin udhëheqës perëndimor që ka kuptuar shkaqet e luftës në Ukrainë” dhe që, sipas tij, është i interesuar për një zgjidhje reale paqësore.
