Dashi Dielli dhe Jupiteri bashkohen në qiellin tuaj të dashurisë dhe mund të sjellin një takim të fuqishëm e të paharr...
BOTA
Lëshoi urdhër arresti për Netanyahun, gjykatësi i GJNP sanksionohet nga SHBA, thirrje BE-së: Aktivizoni mburojën ligjore
PiranjatPërditësimi i fundit 17 Shkurt 2026, 17:57
Gjykatësi i Gjykatës Ndërkombëtare Penale, Nicolas Guillou, i goditur nga sanksionet e Shteteve të Bashkuara pas lëshimit të urdhër-arresteve ndaj kryeministrit izraelit Benjamin Netanyahu dhe ish-ministrit të Mbrojtjes Yoav Gallant, i ka bërë thirrje Komisionit Evropian të ndërhyjë duke aktivizuar “statutin bllokues”, mekanizmin ligjor të BE-së që synon të zbusë efektet e sanksioneve të huaja ndaj subjekteve evropiane.
Guillou theksoi se nevojitet “një përgjigje evropiane” dhe më shumë “sovranitet strategjik”, duke përmendur si shembull edhe zhvillimin e “euros dixhitale” si alternativë ndaj varësisë nga sistemi financiar amerikan.
Sipas tij, dominimi i infrastrukturës financiare të SHBA-së ka bërë që ai të përballet me pasoja të drejtpërdrejta në jetën e përditshme.
Që nga muaji gusht, gjykatësi francez deklaron se është përjashtuar praktikisht nga jeta online, përfshirë pamundësinë për të kryer pagesa me karta bankare, për shkak të mungesës së alternativave evropiane ndaj sistemeve të kontrolluara nga SHBA.
“Ne jemi vendi ku testohet aftësia e Evropës për të mbrojtur qytetarët, bizneset dhe institucionet e saj”, u shpreh ai, duke shtuar se ka marrë mbështetje nga kolegë të tij brenda gjykatës, përfshirë edhe gjyqtarë italianë.
