Të shtëna me armë janë regjistruar pak më parë në Kurbin.
Si pasojë e kësaj dyshohet se ka mbetur i plagosur nj&eu...
BOTA
Liria e medias/ Përfaqësuesi i OSBE-së: Gazetarët përballen me rritje të kërcënimeve, presion publik e politik
PiranjatPërditësimi i fundit 18 Maj 2026, 10:12
Përfaqësuesi i OSBE-së për Lirinë e Medias, Jan Braathu ka theksuar rëndësinë jetike të lirisë së medias dhe rolit të gazetarisë në mbrojtjen e demokracisë dhe drejtësisë, duke paralajmëruar për sfidat në rritje me të cilat përballen mediat dhe gazetarët në ditët e sotme.
Në Konferencën për Mediat në Evropën Juglindore, Braathu tha se liria e shtypit mbetet themeli i drejtësisë dhe demokracisë në çdo vend, ndërsa gazetaria duhet parë si një e mirë publike thelbësore për funksionimin e shoqërisë.
Sipas tij, vetë gazetarët po përballen me një rritje të kërcënimeve, duke nisur nga presioni publik dhe politik, deri tek sulmet fizike dhe ato online.
“Liria e shtypit është themeli i drejtësisë dhe demokracisë në vend. Për këtë gazetaria është një e mirë publike. Kushtet që e kanë lejuar gazetarin për të përmbushur këtë rol po sfidohen gjithnjë e më shumë. Në këtë mjedis që po evoluon shumë, po formësohet nga transformimi dixhital, shtrëngimet ekonomike dhe kërcënime të tjera. AI dhe platformat dixhitale po riformësojnë mënyrën si informacioni prodhohet, shpërndahet dhe konsumohet. Edhe pse është rritur aksesi, ka debate për pronësinë dhe etikën dhe qëndrueshmërinë. Polaritet po thellohet në të gjitha shoqëritë tona, besimi tek institucionet përfshire edhe mediat është nën kërcënim. Edhe vetë gazetarët po përballen me rritje të kërcënimeve, siç janë presioni publik e politik, sulmet fizike dhe sulmet online. Kur gazetaria dobësohet pasojat cënojnë cilësinë e debatit publik, mundësinë që politikanët të janë llogaridhënës dhe cënon rezistencën e institucioneve tona dhe sigurinë kombëtare. Prandaj gazetaria si e mirë publike nuk është fakultative, por thelbësore”, tha Jan Braathu.
