Erjon Veliaj është transferuar nga paraburgimi i Durrësit në burgun e Fierit, me urdhër të Drejtorisë së Përgjiths...
BOTA
Lojërat dimërore rrisin kërkesën për prostituta. Flet njëra prej tyre: Jam e rezervuar deri në fund!
PiranjatPërditësimi i fundit 12 February 2026, 23:22
Prezervativët e vënë në dispozicion të atletëve olimpikë, madje të markuar me pesë rrathët, konsiderohet me një “traditë të konsoliduar”, e nisur në vitin 1988 në Seul për të ndërgjegjësuar atletët dhe të rinjtë mbi parandalimin e sëmundjeve seksualisht të transmetueshme.
As Lojërat Olimpike Milano-Cortina nuk bëjnë përjashtim dhe furnizimet mbajnë gjithashtu logon e Rajonit të Lombardisë. Në mbështetje të seksit të sigurt është shprehur edhe guvernatori Attilio Fontana, duke saktësuar se “nëse dikujt i duket e çuditshme, nuk është në dijeni të praktikës olimpike. Është një temë që nuk duhet të krijojë siklet”.
Dhe në fakt, Milano dhe Cortina nuk duken aspak të turpëruara kur flitet për seksin, përkundrazi. Prezervativët që në fillim dukeshin të paktë – tre për çdo atlet në total, ndërsa në Paris ishin dy në ditë për secilin – dhe në fakt tashmë janë mbaruar. Por “koha e tretë” siç konsiderohen festat pas ndeshjeve, nuk është vetëm ajo e atletëve. Ka një tjetër sektor që po regjistron rritje dhe shifra rekord: argëtimi për të rritur.
Sipas një studimi të kryer nga SimpleMedia mbi të dhënat e publikuara nga portali ndërkombëtar i njoftimeve SimpleEscort, me nisjen e Lojërave Olimpike është regjistruar një rritje e njoftimeve në zonat ku po zhvillohen eventet dhe garat. Milano shënon +23 për qind, Cortina D’Ampezzo +12 për qind, Valtellina (Bormio dhe Livigno) +6 për qind, ndërsa Val di Fiemme dhe Anterselva +3 për qind.
“Kam nisur me Londrën 2012, më pas Rio dhe Parisi. Mes një Olimpiade dhe tjetrës kam qenë e pranishme edhe në disa evente ndërkombëtare tenisi dhe futbolli, ku kam njohur edhe sportistë italianë.
Eventet sportive nuk kanë të bëjnë vetëm me sportin; kanë të bëjnë me emocionin, suksesin dhe dëshirën për të festuar,” rrëfen për SimpleEscort Chloe, e lindur në Londër, për të cilën kjo është ndalesa e pestë e një karriere që, siç thotë ajo, është ndërtuar rreth mega-eventeve sportive.
“Klientët e mi gjatë Lojërave janë shpesh sponsorë, gazetarë të nivelit të lartë, drejtues apo anëtarë delegacionesh që kërkojnë diskrecion dhe një bisedë inteligjente pas orësh të gjata pune –vazhdon ajo –Milano ka një energji të jashtëzakonshme, shumë të ngjashme me atë të Parisit, por me një ngrohtësi njerëzore tipike italiane që e bën gjithçka më të natyrshme", citon la Stampa.
Chloe tregon se e ka tashmë agjendën të mbushur deri në ceremoninë e mbylljes. “Nuk flas vetëm për tifozë të pasur. Kam marrë telefonata nga suita ku adrenalina pas ceremonisë ishte ende shumë e lartë. Ka nga ata që kanë parakaluar në pistë dhe që, pak orë më pas, kërkonin thjesht të hiqnin uniformën zyrtare për pak rehati ‘jo garuese’.
Shpesh janë vetë njerëzit e brendshëm, si figura të nivelit të lartë apo anëtarë delegacionesh, që kanë nevojë të shkëputen pas muajsh presioni.” Jo vetëm atletë, por edhe trajnerë, drejtues sportivë dhe gazetarë ndërkombëtarë, të cilët sipas raportit përbëjnë 60 për qind të klientelës gjatë kësaj periudhe. /PiranjatNews/
