Revolta e studentëve dhe e pedagogëve përpara Ministrisë së Arsimit vijon edhe sot më 27 tetor.
Protestuesit i kanë vendosur ...
BOTA
Lojërat Olimpike 2026/ Sportistët në kulmin e pasionit, mbarojnë të gjithë prezervativët!
PiranjatPërditësimi i fundit 15 February 2026, 13:11
Teksa po luhen “Lojërat Olimpike Dimërore Milano–Cortina 2026”, organizatorët janë përballur me një situatë të pazakontë, pasi prezervativët falas të shpërndarë për sportistët u mbaruan menjëherë.
Rreth 10 mijë prezervativë u shpërndanë nga organizatorët në ambientet e akomodimit në qytet dhe në zonat malore, duke vazhduar një praktikë të hershme olimpike që synon të promovojë marrëdhënie të sigurta mes sportistëve, kryesisht të rinj, të shëndetshëm dhe energjikë, që jetojnë së bashku në hapësira të përbashkëta.
Megjithatë, deri të shtunën stoku ishte shteruar, ndërkohë që kishin mbetur edhe më shumë se një javë gara për t’u zhvilluar.
Kështu, Milano iu shtua listës së gjatë të Lojërave Olimpike ku kërkesa ka tejkaluar ndjeshëm ofertën, një histori që tashmë është bërë pothuajse rutinë. “Është e qartë se kjo tregon se Dita e Shën Valentinit është në kulmin e saj në fshatin olimpik,” tha të shtunën në një konferencë për shtyp zëdhënësi i Komitetit Olimpik Ndërkombëtar, Mark Adams.
“Janë përdorur dhjetë mijë prezervativë për 2,800 atletë — mund ta bëni vetë llogarinë,” shtoi ai me humor. “Është rregulli 62 i Kartës Olimpike që duhet të kemi një histori për prezervativët.
Më shpejt, më lart, më fort, së bashku,” u shpreh Adams me shaka. Më vonë, organizatorët e Milano-Cortina pranuan se stoqet ishin shteruar për shkak të “kërkesës më të lartë se sa ishte parashikuar”, por njoftuan se po punonin për rifurnizimin. “Furnizime shtesë janë duke u dërguar dhe do të shpërndahen në të gjitha fshatrat olimpike nga sot deri të hënën,” thanë ata në një deklaratë./Marrë nga Reuters, përktheu Piranjat News
