Sot vendi ynë ditën e enjte ndikohet nga kushte atmosferike të qëndrueshme.
Moti parashikohet kryesisht i kthjellët, ndërsa vra...
BOTA
Mali i Zi ul përkohësisht akcizën e karburanteve, bie çmimi i naftës dhe benzinës
PiranjatPërditësimi i fundit 22 Korrik 2026, 22:17
Qeveria e Malit të Zi ka vendosur të ulë përkohësisht akcizën e karburanteve, me synim zbutjen e ndikimit të krizës globale të naftës dhe shmangien e një vale të re rritjesh të çmimeve për qytetarët.
Sipas vendimit, çmimi i naftës është ulur në 1.65 euro për litër, duke shmangur parashikimin që do ta çonte në 1.81 euro për litër. Ky çmim është gjithashtu 2 cent më i ulët krahasuar me nivelin e mëparshëm. Ndërkohë, çmimi i Eurosuper 98 është caktuar në 1.68 euro për litër, ndërsa Eurosuper 95 do të tregtohet me 1.64 euro për litër.
Vendimi është bazuar në analizat e Ministrisë së Financave dhe synon të mbrojë buxhetet familjare, të zbusë presionin inflacionist dhe të mbështesë bizneset vendase. Sipas autoriteteve malazeze, masa u mor për shkak të luhatjeve në tregun ndërkombëtar të naftës dhe tensioneve gjeopolitike në Lindjen e Mesme.
Qeveria theksoi se ndërhyrje të tilla duhet të bëhen me kujdes, veçanërisht gjatë sezonit turistik, kur konsumi i karburanteve rritet ndjeshëm. Po ashtu, u nënvizua se prioritet mbetet financimi i sektorëve jetikë si shëndetësia, arsimi, pensionet dhe infrastruktura. Autoritetet kanë bërë të ditur se do të vijojnë të monitorojnë situatën dhe nuk përjashtojnë masa të tjera, nëse kushtet fiskale dhe buxhetore e lejojnë.
