Maroku 'shkaktoi' krizën e migrantëve në Spanjë, dalin pamjet e dyshimta si kamionë me njerëz zbarkojnë afër kufirit

Një video e publikuar në rrjetet sociale pretendohet se tregon pjesëtarë të Xhandarmërisë Mbretërore të Marokut duke qëndruar pranë, ndërsa kamionë me të rinj zbarkojnë afër kufirit me enklavën spanjolle Ceuta, gjatë valës së fundit të kalimeve masive të migrantëve.

Pamjet, të cilat ende nuk janë verifikuar në mënyrë të pavarur, kanë nxitur reagime dhe pyetje lidhur me mënyrën se si u menaxhua situata në anën marokene të kufirit.

Kriza në Ceuta ka shkaktuar alarm në Spanjë, pasi mijëra persona tentuan të hynin në territorin spanjoll duke kaluar barrierat kufitare ose duke notuar drejt brigjeve të enklavës.

Për shkak të fluksit të madh, Madridi mobilizoi forcat e armatosura për të ndihmuar policinë dhe autoritetet lokale në kontrollin e situatës. Në zonë u vendosën njësi ushtarake, patrulla detare dhe mbështetje ajrore.