Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
BOTA
Masakra e Sydney, Trump: Kombet duhet të qëndrojnë bashkë kundër forcave të liga të terrorizmit radikal islamik
PiranjatPërditësimi i fundit 17 December 2025, 09:16
Donald Trump hapi festimet e Hanukkah në Shtëpinë e Bardhë duke dërguar “dashuri dhe lutje” për popullin e Australisë pas sulmit terrorist në plazhin Bondi të Sidneit .
Presidenti i SHBA-së u ka bërë thirrje kombeve të bashkohen kundër Islamit radikal pas sulmit terrorist në Sydney, i frymëzuar nga Shteti Islamik, ku u vranë 15 persona dhe u plagosën 25 të tjerë.
“Më lejoni të shfrytëzoj një moment për të dërguar dashurinë dhe lutjet e kombit tonë në tërësi për popullin e Australisë dhe veçanërisht për të gjithë ata që janë prekur nga sulmi terrorist i tmerrshëm dhe antisemit”, tha Trump në fjalimin e tij.
“Jemi të gjithë të bashkuar në zi për ata që u vranë dhe lutemi për shërim të shpejtë të të plagosurve; disa janë plagosur shumë rëndë”, shtoi ai.
Së fundmi, ai u zotua të mbështesë gjithmonë popullin hebre dhe theksoi se të gjitha kombet duhet të qëndrojnë së bashku kundër forcave të së keqes së terrorizmit radikal islamik.
Tre ditë pas sulmit të frymëzuar nga Shteti Islamik ndaj një tubimi për festën hebraike të Hanukkah në plazhin e famshëm botëror Bondi të Sidneit, 22 persona të plagosur ende po trajtohen në spitale, njoftuan autoritetet shëndetësore shtetërore të Uellsit të Ri Jugor.
Konkretisht, nëntë nga pacientët mbetën në gjendje kritike deri në mëngjesin e sotëm, ndërsa 13 të tjerë ishin në gjendje të rëndë, por të qëndrueshme.
