Mësuesja vdes pas ndërhyrjes estetike

Një mësuese 56-vjeçare, Clara Palaoro, nga Pergine Valsugana, në Trentino, ka ndërruar jetë pas tetë muajsh në gjendje kome vegjetative, pas një ndërhyrjeje kirurgjikale estetike që duhej të ishte rutinë.

Gruaja vdes tetë muaj pas ndërhyrjes estetike

56-vjeçarja i ishte nënshtruar ndërhyrjes në një klinikë private në provincën e Vicenzës dhe, në orët pas operacionit, gjendja e saj shëndetësore dyshohet se u përkeqësua papritur, duke përfunduar në gjendje kome.

Pas disa muajsh në një strukturë rehabilitimi në Trentino, gjendja e saj u rëndua më tej dhe ajo ndërroi jetë në spitalin Santa Chiara.

Denoncimi i familjarëve

Sipas mediave lokale, familjarët e viktimës kanë paraqitur një denoncim pranë autoriteteve të drejtësisë, duke kërkuar hetimin e shkaqeve që çuan në vdekjen e mësueses.

Prokuroria e Vicenzës ka hapur një dosje hetimore. Në ditët në vijim, raporton Corriere della Sera, pritet të kryhet edhe autopsia, e cila mund të japë përgjigjet e para për dyshimet e familjarëve lidhur me shkaqet e vdekjes.

Gruaja la pas dy vajza, të cilat i kishte nga ish-bashkëshorti, si dhe partnerin e saj aktual. /PiranjatNews/