Ministri i Jashtëm iranian: Ne e mbajtëm fjalën, Uashingtoni shkeli armëpushimin

Ministri i Jashtëm iranian, Abbas Araghchi, ka deklaruar se Irani i qëndron zotimeve të tij ndaj Shteteve të Bashkuara pas nënshkrimit të protokollit për marrëveshjen e armëpushimit, për të cilën Presidenti amerikan, Donald Trump kishte deklaruar se ishte përmbyllur.

Me anë të një postim në platformën "X", Araghchi theksoi se deri më tani, Irani e ka mbajtur fjalën e tij, ndërsa akuzoi Uashingtonin se ka shkelur marrëveshjen e armëpushimit përmes rivendosjes së sanksioneve ekonomike ndaj Iranit.

Sipas Ministrit iranian, ky veprim përbën një tjetër shkelje nga ana e Shteteve të Bashkuara dhe i shtohet, sipas tij, hapave të tjerë të gabuar të ndërmarrë nga Uashingtoni.

"Nuk mund të ketë respekt nëse ai nuk është i ndërsjellë", u shpreh Araghchi, duke theksuar se respektimi i marrëveshjeve duhet të bazohet në angazhimin e të dyja palëve.