16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
BOTA
Mitsotakis: Rritje pagash, 400 euro për pensionistët dhe lehtësime fiskale!
PiranjatPërditësimi i fundit 6 September 2026, 10:47
Një paketë të re masash ekonomike, që prek pensionistët, punonjësit, fermerët, familjet me fëmijë dhe bizneset shpalli mbrëmjen e së shtunës, kryeministri grek Kyriakos Mitsotakis në fjalimin tradicionla për hapjen e Panairit të 90 Ndërkombëtar të Selanikut.
Paketa për vitin 2027 vlerësohet në rreth 1,8 deri në 2 miliardë euro, ndërsa një pjesë e masave do të zbatohet gradualisht deri në vitin 2030. Konkretisht pensionistët mbi 65 vjeç, personat me aftësi të kufizuara dhe të moshuarit e pasiguruar, do të marrin nga 30 nëntori sivjet, çdo vit, një ndihmë të përhershme prej 400 eurosh, 100 euro më shumë se sot.
Një tjetër masë është edhe kthimi i një pjese të qirasë. Më 30 nëntor do të bëhet rimbursimi me vlerën e një qiraje mujore për vitin 2025, ndërsa mjekët, infermierët dhe mësuesit që shërbejnë në zonat e periferisë do të përfitojnë një mbështetje sa dy qira mujore.
Në sektorin privat, paga minimale do të rritet gradualisht nga 950 euro në prill të 2027 në 1.000 euro bruto deri në janar të vitit 2028, ndërsa kontributet që paguan punonjësi do të ulen edhe me 0,5%. Nëpunësit e shtetit do të marrin nga dhjetori i vitit 2027 për herë të parë pas më shumë se një dekade një bonus Krishtlindjesh prej 500 eurosh bruto. Pagat e tyre do të rriten gjithashtu gradualisht me rreth 80 euro bruto në muaj deri në fillim të vitit 2028.
Lehtësime të mëdha Mitsitakis ka shpallur edhe për fermerët. Ata profesionistë me të ardhura deri në 20 mijë euro në vit nuk do të paguajnë tatim mbi të ardhurat. Edhe familjet me tre fëmijë do të përjashtohen nga tatimi për të ardhura deri në 20 mijë euro, ndërsa për familjet me katër ose më shumë fëmijë rritet edhe bonusi i lindjes.
Një tjetër masë është “Kursimi për Brezin e Ri”. Prindërit do të mund të vendosin deri në 1.200 euro në vit në një llogari për fëmijën dhe shteti do të shtojë të njëjtën shumë pa të drejtë tërheqje deri në moshën 18-vjeçare, kur ky fond mund të kalojë 60 mijë euro dhe të shërbejë për hapjen e një biznesi apo studimesh.
Për strehimin nis programi i ri “Shtëpia ime 3” me fond 2 miliardë euro, ndërsa qeveria premton edhe ulje graduale me 30% për qind të çmimit të energjisë elektrike në tregun me shumicë deri në vitin 2029.Gjithashtu me qëllim frenimin e blerjeve të huaja në tregun e banesave, sidomos në zona ku çmimet dhe qiratë janë rritur shumë, për qytetarët nga vende jashtë Bashkimit Europian,si Kina, Turqia apo Israeli, taksa për blerjen e një banese do të rritet nga 3 në 15%.
Nga marsi i vitit 2027 hiqet gjithashtu taksa e pronës së palujtshme, ENFIA, për banesat në vendbanime me deri në 2.000 banorë dhe deri në 2.200 banorë në Maqedoninë Perëndimore.
Mitsotakis e paraqiti paketën si një pjesë të “dividendit të rritjes” së ekonomisë greke, në një periudhë kur kostoja e jetesës dhe fuqia blerëse mbeten ndër shqetësimet kryesore të qytetarëve.
