Kryetari i Partisë Demokratike, Sali Berisha, ka akuzuar kryeministrin Edi Rama se po ndërmerr veprime ndaj kryebashkiakut Erion Veliaj nga frika se m...
Studentët nuk e kanë ndalur protestën e tyre në Tiranë. Të rinjtë kanë vijuar marshimin nëpër universitetet e...
BOTA
Ndërtimi i sallës së ballos në Shtëpinë e Bardhë/ Gjykata e Lartë i hap rrugë Trumpit
PiranjatPërditësimi i fundit 31 August 2026, 22:48
Gjykata e Lartë e Shteteve të Bashkuara i ka dhënë dritën jeshile presidentit Donald Trump për të vijuar projektin kontrovers të ndërtimit të një salle të madhe banketesh në kompleksin e Shtëpisë së Bardhë.
Me një vendim të ngushtë, 5 vota pro dhe 4 kundër, gjykata rrëzoi apelin e një grupi që mbron trashëgiminë kulturore dhe historike, i cili kërkonte pezullimin e projektit për një kohë të pacaktuar. Kundër vendimit votuan tre gjyqtarët liberalë të Gjykatës së Lartë, si edhe kryegjyqtari John Roberts.
Mediat e huaja bëjnë me dije se projekti i Trumpit ka shkaktuar reagime të forta që prej njoftimit për shembjen e Krahut Lindor të Shtëpisë së Bardhë për t’i hapur hapësirë sallës së re të eventeve. Kritikët kanë shprehur shqetësimin se ndërhyrja mund të dëmtojë karakterin historik dhe arkitekturën e kompleksit presidencial.
Ndërkohë, projekti është zgjeruar gjatë procesit të ndërtimit, duke përfshirë edhe hapësira të posaçme për mbrojtjen nga dronët, ndërsa kostoja e tij është rritur vazhdimisht. Sipas Shtëpisë së Bardhë, punimet kanë përfunduar rreth 65%, duke e çuar projektin drejt fazave të avancuara të ndërtimit.
