Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
BOTA
Netanyahu: Regjimi iranian është më i dobët se kurrë më parë! Nëse nuk do t’i kishim shpallur luftë…
PiranjatPërditësimi i fundit 15 May 2026, 12:50
Kryeministri i Izraelit, Benjamin Netanyahu, deklaroi se Jerusalemi do të mbetet “kryeqyteti i përjetshëm dhe historik” i Izraelit, ndërsa theksoi se regjimi iranian është “më i dobët se kurrë më parë”.
Në deklaratat e tij, Netanyahu u shpreh se Izraeli ka forcuar ndjeshëm pozitat e tij përballë Iranit dhe pretendoi se ndërhyrjet ushtarake kundër Teheranit shmangën një “kërcënim ekzistencial” të lidhur me armët bërthamore dhe raketat balistike iraniane.
“Nëse nuk do t’i kishim shpallur luftë Iranit dy herë, sot do të përballeshim me një entitet të pajisur me bombë bërthamore që do të përbënte një kërcënim ekzistencial për ne”, deklaroi Netanyahu.
Ai shtoi se Izraeli “eliminoi një kërcënim të menjëhershëm ekzistencial” që sipas tij vinte nga programi bërthamor dhe kapacitetet raketore të Iranit.
Duke folur për konfliktin aktual, Netanyahu tha se Izraeli “ka thyer barrierën e frikës”, ka marrë iniciativën në luftë dhe ka arritur të shkatërrojë “një pjesë të madhe të boshtit iranian të së keqes” që, sipas tij, rrethonte vendin nga të gjitha anët.
“Kemi arritur një sukses të madh në Iran dhe vetëm faqet e historisë do të mund ta gjykojnë atë”, përfundoi kryeministri izraelit.
