Ilir Meta ka reaguar përmes një postimi në Facebook lidhur me konfliktin mes GJKKO dhe Dhomës Kombëtare të Avokatisë, duke pr...
BOTA
Njihuni me gjarprin më të gjatë në botë
PiranjatPërditësimi i fundit 18 February 2026, 13:08
Asgjë nuk mund ta kishte përgatitur Radu Frentiu për takimin me gjarprin e njohur si Ibu Baron, që në indonezisht do të thotë “Baronesha”.
“Nuk kisha parë kurrë një gjarpër kaq të madh,” thotë Frentiu. “Ky gjarpër mund të gëlltiste lehtësisht të paktën një viç, nëse jo një lopë të rritur.”
Frentiu, eksplorues dhe fotograf i historisë natyrore, i cili ka jetuar në Bali për dy dekada, ka hasur shumë gjarpërinj të mëdhenj. Por Ibu Baron meritonte një dallim të veçantë.
Së fundmi, Guinness World Records konfirmoi se Ibu Baron, një piton retikulant (Malayopython reticulatus), besohet të jetë gjarpri më i gjatë i matur verifikueshëm në botë.
Ajo u zbulua për herë të parë në rajonin Maros të Sulawesi e Jugutnë fund të vitit 2025.
Frentiu mësoi për pitonin gjigant nga Diaz Nugraha, një udhëzues i kafshëve të egra, shpëtues dhe trajner i licencuar i gjarpërinjve nga Borneo.
Së bashku udhëtuan në Sulawesi për të parë kafshën nga afër dhe për ta matur.
Më 18 janar, Frentiu dhe Nugraha peshuan dhe matën Ibu Baron, duke dokumentuar procesin me fotografi dhe video për të qenë sa më transparentë. Duke përdorur një shiriti matës që ndiqte kurbat natyrore të gjarprit, ata regjistruan një gjatësi totale prej 7 metra dhe 21 cm nga koka deri te bishti. Pitoni peshonte gjithashtu 97 kilogramë – dhe kjo ishte me stomak bosh.
Frentiu thotë se gjatësi reale e gjarprit mund të ishte edhe më e madhe, pasi ajo nuk ishte e seduar gjatë matjes. Nën anestezi, muskujt e një gjarpri relaksohen plotësisht, gjë që mund t’i shtonte edhe 10–15% gjatësisë së saj.
Një gjarpër për t’u festuar
Pitoni retikulant është tashmë specie e gjarpërinjve më e gjatë në botë, zakonisht duke arritur gjatësi midis 3 dhe 6 metrash. Individë më të mëdhenj janë raportuar gjatë historisë, por shumica e pretendimeve mbështeten në rrëfime të dyta ose kafshë që u vranë menjëherë pas zbulimit. Në shumë raste, gjarpërinjtë zhduken para se madhësia e tyre të verifikohet. “Këto kafshë gjigante tërheqin vëmendje si simbol statusi,” thotë Frentiu. “Zakonisht zhduken ose u ndodh diçka e keqe.”
Mbetja e Ibu Baron e gjallë është ajo që e bën atë të veçantë. Konservatori lokal Budi Purwanto, i cili veproi shpejt kur u përhap lajmi për gjarprin, ka luajtur një rol të rëndësishëm në mbijetesën e saj. Në vend që ta shiste ose ta vriste, ai e mori dhe ndërtoi një strehë të përkohshme në pronën e tij, ku ajo tani jeton pranë disa gjarpërinjve të tjerë të shpëtuar. Lëshimi i saj në zonën lokale do të ishte i rrezikshëm.
Kafshët e mëdha si babirusa dhe derrat e egër janë të pakta, ndërsa vendbanimet njerëzore janë të shumta.
“Një piton kaq i madh ka shumë mundësi të tërhiqet drejt një fshati,” shpjegon Frentiu. “Dhe sapo kjo të ndodhë, pothuajse sigurisht do të vritet.”
Në të gjithë Indonezinë, humbja e habitatit dhe pakësimi i preys kanë shtyrë gjarpërinjtë e mëdhenj të afrohen më shumë me njerëzit. Pitonët retikulant nuk janë helmues, por madhësia dhe fuqia e tyre i bëjnë grabitqarë vdekjeprurës, të aftë të vrasin bagëtinë dhe, në raste të rralla, njerëz. Frika e njerëzve shpesh është fatale për gjarpërinjtë, të cilët gjithashtu janë gjuajtur për mish dhe synuar nga tregtia e paligjshme e kafshëve të egra.
Për Frentiu, Nugraha dhe Purwanto, Ibu Baron përfaqëson një mundësi për të ndryshuar këtë dinamikë. Duke e mbrojtur dhe duke e mbajtur të dukshme, përfshirë edhe përmes njohjes nga Guinness World Records, ata shpresojnë të tregojnë se gjarpërinjtë gjigantë mund të jenë më të vlefshëm gjallë sesa të vdekur. “Kjo mund t’i japë rëndësi kësaj kafshe dhe shpresojmë vlerë,” thotë Frentiu. “Mund të fuqizojë komunitetet lokale për t’u kujdesur për këto kafshë dhe t’i shohin si një burim afatgjatë.” Ai përmend një sektor në rritje të turizmit herpetologjik, ture natyrore të fokusuar tek zbulimi i reptilëve dhe amfibëve, si një rrugë të mundshme për të ardhmen.
Frentiu kujdeset të mos e paraqesë Ibu Baron si mbajtës rekord absolut – mund të ketë gjarpërinj edhe më të mëdhenj atje jashtë. “Nuk besoj aspak se ky është gjarpri më i madh i egër. Kisha fat,” thotë ai.
“Akoma ka mrekulli atje jashtë. Kjo është njëra prej tyre dhe nuk mendoj se është e fundit''./Përktheu Piranjat News
