Një qytetare që mori pjesë në protestë ka reaguar ashpër ndaj situatës në vend, duke ngritur shqetësime për ...
BOTA
Nusja i jep helm miu vjehrrës për ta vrarë. Si e organizoi “skemën” kriminale për të mos u kuptuar
PiranjatPërditësimi i fundit 24 Mars 2026, 19:13
Një grua donte ta vriste ngadalë vjehrrën e saj, duke i helmuar gjakun me helm për minj të fshehur në ushqim. Gruaja 48-vjeçare është ndaluar në Savona me akuzën për tentativë vrasjeje. Për të, prokuroria ka vendosur masa sigurie, si ndalimi i afrimit ndaj vjehrrës, largimi nga banesa familjare dhe vendosja e byzylykut elektronik.
Shtrimet e përsëritura në spital
Autoritetet u alarmuan nga shërbimi shëndetësor lokal, i cili disa herë gjatë javëve të fundit kishte shtruar në spital 73-vjeçaren, e cila është invalide, për shkak të shqetësimeve dhe problemeve shëndetësore. Analizat mjekësore zbuluan disa vlera jonormale në gjak, të lidhura me substanca të dëmshme. Hetime të mëtejshme treguan një prani të lartë të përbërësve kimikë që zakonisht gjenden në helmin për minj, duke treguar një marrje të zgjatur dhe të përsëritur në kohë.
Nusja dhe paketa e helmit
Sipas hetimeve, në shtëpi viktima kujdesej nga nusja 43-vjeçare. Ajo ishte e vetmja që merrej me të moshuarën invalide. Sipas dyshimeve të hetuesve, gruaja ka përzier disa herë helm për minj në ushqimin e viktimës. Gjatë një kontrolli, policia gjeti në një depo një paketë helm për minj, që përmbante një substancë të përputhshme me atë të gjetur në organizmin e viktimës. Nuk është ende e qartë nëse janë të përfshirë edhe familjarë të tjerë. /PiranjatNews/
