Në Shqipëri, në vitin 2024, në institucionet publike të shërbimit spitalor, ishin në dispozicion 8,911 shtretër, sipas...
BOTA
Parlamenti hungarez shkarkon Presidentin, Magyar: Do të zëvendësojmë kukullat politike të Orban-it
PiranjatPërditësimi i fundit 13 Korrik 2026, 23:19
Parlamenti hungarez pritet të shkarkojë presidentin Tamas Sulyok nga detyra, sapo të hyjë në fuqi amendamentin i miratuar me 139 vota pro dhe kundër.
Kryeministri Peter Magyar tha se ky është një hap kyç për të zëvendësuar kukullat politike të Orban-it.
Parlamenti i Hungarisë ka miratuar amendamentin e 17-të të kushtetutës me 139 vota pro dhe 6 kundër, duke bërë të mundur shkarkimin e Presidentit aktual të Republikës, Tamas Sulyok. 54 deputetë nuk morën pjesë në votim.
Ky amendament kushtetues është hartuar për të shkarkuar posaçërisht presidentin në detyrë, por krijon mundësinë për shkarkime të tjera në të ardhmen.
Një ditë pasi të hyj në fuqi ky amendament, mandati i presidentit merr fund dhe Parlamenti do të zgjedhë një tjetër kryetar shteti, për të shërbyer jo më shumë se pesë vite.
Në një fjalim përpara fillimit të agjendës zyrtare, Magyar tha se do të ishte tradhti ndaj kombit hungarez nëse nuk prekej Kushtetuta e hartuar nga Fidesz, të cilën ai e quajti si një dokument themeluar i Cosa Nostra hungareze.
Kryeministri hungarez nuk la pa përmendur as paraardhësin e tij, Viktor Orban, për të cilin tha se i gjithë sistemi i ishte nënshtruar vullnetit për mbijetesë politike të vetëm një njeriu.
