Kosova do të bëjë sot një tjetër përpjekje për konstituimin e Kuvendit, por seanca nis me një tjetër për&cce...
BOTA
Pas shpërndarjes së qeverisë, Vuçiç del me datë: Ja kur do të mbahen zgjedhjet e parakohshme në Serbi
PiranjatPërditësimi i fundit 8 Shtator 2026, 22:00
Presidenti serb Aleksandar Vuçiç, në një prononcim të dhënë për mediat serbe njoftoi se do të shpërndajë Asamblenë Kombëtare që të shpallë zgjedhje të parakohshme nesër në orën 12:00. Ndërsa konfirmoi se zgjedhjet në Serbi pritet të mbahen më 25 tetor.
"Më duhet të marr dy vendime në përputhje me Kushtetutën dhe Ligjin për Presidentin. I pari është një dekret për shpërbërjen e Asamblesë Kombëtare të Republikës së Serbisë, i dyti është një vendim për shpalljen e zgjedhjeve. Do t'i shpall të dy vendimet nesër, saktësisht në orën 12. Zgjedhjet do të mbahen në Serbi më 25 tetor", tha Vuçiç në RTS, duke shtuar se fushata do të zgjasë 46 ditë.
Sakaq, bëhet me dije se Bordi kryesor i Partisë Progresive Serbe (SNS) ka vendosur që kreu i listës së Serbisë së Bashkuar në zgjedhjet e ardhshme parlamentare do të jetë Presidenti aktual i Serbisë, Aleksandar Vuçiç. Ndërsa theksohet se ai do të jetë kandidati për Kryeministër të Serbisë, nëse arrihet një fitore.
Propozimi për shpërndarjen e Kuvendit në Serbi është një procedurë që duhet të përfundojë në mënyrë që të shpallen zgjedhjet e parakohshme parlamentare.
Presidenti serb Aleksandar Vuçiç, deklaroi më parë se do të shpallte datën e zgjedhjeve parlamentare jo më vonë se 9 ose 10 shtatori dhe se ato do të mbaheshin më 18 ose 25 tetor. Ndërsa sot u konfirmua se dita kur do të mbahen zgjedhjet në Serbi do të jetë 25 tetori.
