Studentët në Universitetin e Korçës kanë vijuar bojkotin e mësimit, në mbështetje të protestës studentore e ...
BOTA
Pensioni, 58-vjeçari vret nënën dhe e varros në pyll! Si u zbulua
PiranjatPërditësimi i fundit 12 February 2026, 18:40
“E kam varrosur trupin e nënës sime, do ta gjeni pranë kasolles së gjuetisë në Stupinigi”.
Me këto fjalë, përmes një telefonate në numrin e emergjencës 112, një 58-vjeçar u ka dhënë disa udhëzime forcave të rendit për të gjetur trupin e pajetë të nënës së tij, të cilën dyshohet se e kishte vrarë më herët.
Me të mbërritur në vendngjarje së bashku me zjarrfikësit, efektivët gjetën trupin pa shenja jete të 86-vjeçares Enrica Bardotti. Karabinierët arrestuan 58-vjeçarin me akuzat e vrasjes dhe fshehjes së kufomës.
Gruaja e moshuar rezultonte e zhdukur prej të paktën një muaji dhe gjatë kësaj kohe askush nuk kishte pasur më lajme për të. Një e njohur e saj, e alarmuar nga mungesa, kishte njoftuar karabinierët, duke e konsideruar situatën të pazakontë. Pas sinjalizimit, efektivët nisën verifikimet për zhdukjen e saj dhe arritën të lokalizonin djalin në Moncalieri.
“Kisha frikë se do të humbisja pensionin”
Në një moment të parë, 58-vjeçari dyshohet se ka bërë rezistencë ndaj efektivëve, por më pas ka pranuar se kishte fshehur trupin e nënës së moshuar, duke e minimizuar ngjarjen me fjalët: “Unë vetëm e kam fshehur. Ajo ishte tashmë e vdekur, unë thjesht u mora me fshehjen e kufomës”.
Më pas, burri ka ndryshuar versionin, duke pranuar se e kishte vrarë dhe varrosur nënën. Sipas deklarimeve të vetë 58-vjeçarit, kishte pasur frikë se do të humbiste të vetmin burim jetese që kishte: pensionin e 86-vjeçares.
Hetimet dhe autopsia
Hetuesit po përpiqen të hedhin dritë mbi atë që ka ndodhur me viktimën dhe mbi marrëdhënien që ajo kishte me të birin. Ndërkohë, do të jetë autopsia ajo që do të përcaktojë me saktësi dinamikën e vdekjes së gruas.
Imazhet e qarkulluara nga të përditshmet norvegjeze VG, Dagbladet, Dagens Naeringsliv dhe Aftenposten treguan hetues duke mbajtur kuti kartoni n&eum...
