Ambasadori i SHBA-së në OKB, Mike Waltz, tha se “dera është e hapur” që Irani të kthehet në negociata për ...
BOTA
Përplasja Trump-media/ Pesë rrjete televizive refuzojnë mbulimin, CNN dhe dy media të tjera padisin Shtëpinë e Bardhë
PiranjatPërditësimi i fundit 21 Shtator 2026, 20:55
Pesë rrjetet kryesore televizive amerikane, ABC, CBS, CNN, Fox News dhe NBC, kanë deklaruar se nuk do të mbulojnë më aktivitetet presidenciale, pasi CNN rrjeti iu ndalua aksesi në Shtëpinë e Bardhë. Vendimi u bë publik përmes një deklarate të përbashkët, ku mediat theksojnë se publiku ka të drejtë të marrë informacion të saktë dhe të pavarur për aktivitetin e qeverisë dhe se asnjë administratë nuk duhet të kufizojë një organizatë mediatike për shkak të mënyrës se si ajo raporton.
Sipas marrëveshjes mes rrjeteve televizive, ato alternojnë mbulimin e aktiviteteve të presidentit dhe sigurojnë pamje për transmetues të tjerë. Por këtë herë, asnjë prej tyre nuk ka marrë përsipër të zëvendësojë CNN-in. Por përplasja ka kaluar edhe në planin ligjor. CNN, Ms. Now dhe Politico, të cilave me urdhër të presidentit Trump iu është hequr aksesi në Shtëpinë e Bardhë, kanë ngritur padi në gjykatën federale në Uashington, duke iu referuar Amendamentit të Parë të Kushtetutës amerikane dhe lirisë së shtypit.
Mediat kërkojnë rikthimin e menjëhershëm të aksesit dhe argumentojnë se përjashtimi është bërë pa njoftim dhe pa mundësi për t’u përgjigjur.
Nga ana tjetër, Donald Trump e kundërshton akuzën se administrata e tij po sulmon median.
Përmes një postimi në rrjetin e tij social, Trump tha se Shtëpia e Bardhë nuk po lufton shtypin e lirë, por atë që ai e quan “lajme të rreme”, duke e cilësuar këtë fenomen si një kërcënim për sigurinë kombëtare.
