Arbër Abazi është marrë i pandehur për pastrim parash, në kuadër të hetimeve për çështjen që lidhe...
BOTA
Përshkallëzohen tensionet mes SHBA-së dhe Iranit, sulme të ndërsjella pranë Ngushticës së Hormuzit
PiranjatPërditësimi i fundit 1 June 2026, 07:31
Sulmet ajrore mes Shteteve të Bashkuara dhe Iranit rifilluan gjatë fundjavës, ndërsa të dyja palët pretendojnë se kanë goditur objektiva ushtarake pranë Ngushticës strategjike të Hormuzit, raporton BBC.
Komanda Qendrore e Ushtrisë Amerikane (CENTCOM) njoftoi se ka kryer “sulme vetëmbrojtëse” ndaj objekteve iraniane të radarëve dhe qendrave të komandës e kontrollit të dronëve në Goruk dhe në ishullin Qeshm të Iranit.
Sipas ushtrisë amerikane, operacioni u zhvillua si përgjigje ndaj veprimeve që Uashingtoni i cilësoi agresive nga ana e Teheranit, përfshirë rrëzimin e një droni amerikan MQ-1 që, sipas SHBA-së, po operonte mbi ujëra ndërkombëtare.
Nga ana tjetër, Garda Revolucionare Islamike e Iranit (IRGC) deklaroi se ka goditur një bazë ajrore të përdorur nga forcat amerikane si kundërpërgjigje ndaj sulmeve të fundit, megjithëse nuk specifikoi vendndodhjen e saj.
Sipas mediave iraniane, IRGC pretendon se ka shënjestruar bazën nga ku SHBA-ja kreu sulmet ndaj kullës së komunikimit në ishullin Sirri në Gjirin Persik, rreth 65 kilometra larg bregdetit jugor të Iranit.
Ushtria iraniane paralajmëroi gjithashtu se reagimi i saj do të jetë “krejtësisht i ndryshëm” nëse, sipas saj, agresioni amerikan përsëritet.
