Policia gjen pikturat e çmuara të Renoir, tre veprat e artit me vlerë mbi 9 milionë euro që u grabitën 1 vit më parë në Parma

ITALI - Pikturat, vlera e të cilave i kalon 9 milionë eurot, ishin vjedhur gjatë një grabitjeje spektakolare në fillim të këtij viti nga një muze privat pranë Parmës

Sipas deklaratës zyrtare të autoriteteve, zbulimi u bë gjatë kontrollit të disa ambienteve të urdhëruara nga prokuroria vendase, ndërsa hetimet për kapjen e autorëve vazhdojnë.

Grabitja ndodhi gjatë natës mes 22 dhe 23 marsit 2026 në Fondacionin “Magnani Rocca”, një muze i njohur rreth 20 kilometra larg Parmës. Rikuperimi i tyre rikthen në fondin kombëtar tre nga punimet më përfaqësuese të koleksionit:

Paul Cézanne: “Tasse et plat de cerises” (Natyrë e qetë me qershi) — e vlerësuar në 6 milionë euro (7 milionë dollarë).

Pierre-Auguste Renoir: “Les Poissons” (Peshqit) — e vlerësuar në 3 milionë euro (3.5 milionë dollarë).

Henri Matisse: “Odalisque sur la terrasse” — e vlerësuar në 20,000 euro (23,000 dollarë).

Policia gjen PIKTURAT e çmuara të Renoir, tre veprat e artit me

Sipas raportimeve të mediave vendase, goditja ishte kryer nga një grup profesional i strukturuar, i cili arriti të hynte me forcë nga dera kryesore e fondacionit dhe të largohej përmes kopshteve të muzeut brenda një koho prej më pak se tri minutash, përpara se të ndërhynte policia pas rënies së alarmit.

Pas gjetjes policia tha se operacioni është ende në vijim për zbardhjen e plotë të rrjetit të përfshirë.

Fondacioni “Magnani Rocca”, i krijuar në vitin 1977 nga historiani i artit Luigi Magnani, ruan piktura të çmuara të artistëve të mëdhenj si Dürer, Rubens, Van Dyck, Goya dhe Monet. Ngjarja e Parmës është pjesë e një valë grabitjesh të profilit të lartë që kanë prekur grabitjet në muzetë evropianë.