Allison Guerriero, ish-e dashura e Charles McGonigal, ish-drejtorit të zyrës së kundërzbulimit të FBI-së në Nju Jork, e cila ...
BOTA
Rrezik nga një tjetër përmbytje? Krijohet liqen i ri pas rrëshqitjeve në kufirin Nepal-Tibet
PiranjatPërditësimi i fundit 31 Gusht 2026, 15:56
Një situatë e re alarmante është shfaqur pranë kufirit mes Nepalit dhe Tibetit, ku rrëshqitjet masive të dheut kanë bllokuar rrjedhën e dy lumenjve dhe kanë krijuar një liqen të ri.
Autoritetet kineze kanë paralajmëruar një rrezik të lartë që liqeni të dalë nga shtrati, duke shkaktuar përmbytje të reja në zonën e prekur nga fatkeqësitë e ditëve të fundit, shkruan CNN.
Liqeni është formuar pasi materialet e rrëshqitjeve kanë bllokuar rrjedhën e lumenjve Chhochen Khola dhe Purepu Tsangpo. Deri të premten, në të ishin grumbulluar rreth 2.5 milionë metra kub ujë, ndërsa reshjet mund të rrisin më tej nivelin.
Paralajmërimi vjen vetëm pak ditë pas përmbytjeve shkatërruese që goditën rajonin, duke shkaktuar qindra viktima dhe persona të zhdukur. Sipas ekspertëve, përmbytja e mëparshme dyshohet se u shkaktua nga shembja e një akullnaje, e cila solli një sasi të madhe uji dhe mbetjesh në rrjedhën e lumit.
Ekipet inxhinierike kineze po monitorojnë situatën me dronë dhe po ndjekin nga afër nivelin e ujit dhe qëndrueshmërinë e barrierës natyrore.
Ekspertët paralajmërojnë se një çarje apo shembje e barrierës mund të shkaktojë një valë të re përmbytjesh dhe rrëshqitjesh dheu. Megjithatë, ekziston edhe skenari që uji të gjejë gradualisht një rrugëdalje natyrore dhe të derdhet pa shkaktuar një katastrofë të re.
Në Nepal, banorëve u është kërkuar të qëndrojnë larg lumenjve Bhote Koshi dhe Trishuli, për shkak të rrezikut të përmbytjeve dhe bllokimeve të mëtejshme.
