Shqipëria, me një normë papunësie prej 8.4% sipas të dhënave të OECD për majin 2026, renditet ndër vendet me treg...
BOTA
Rrëzohet një aeroplan ushtarak kolumbian, vriten 60 persona, plagosen dhjetëra të tjerë
PiranjatPërditësimi i fundit 24 Mars 2026, 11:23
Të paktën 66 persona u vranë dhe dhjetëra të tjerë u plagosën pas rrëzimit të një aeroplani ushtarak në Kolumbi mëngjesin e së hënës, më 23 mars, shkruan TG 24, rqaporton Piranja News.
Avioni, një C-130 Hercules, u rrëzua menjëherë pas ngritjes nga Puerto Leguízamo, pranë kufirit jugor me Ekuadorin dhe Perunë, duke shpërndarë mbeturina të djegura në xhungël. Një burim ushtarak tha se 58 ushtarë vdiqën, së bashku me gjashtë anëtarë të forcave ajrore dhe dy oficerë policie. Një nga më vdekjeprurësit në historinë e kohëve të fundit të vendit.
Ministri kolumbian i Mbrojtjes Pedro Sánchez tha se avioni pësoi "një aksident tragjik gjatë ngritjes nga Puerto Leguízamo, duke transportuar trupa nga forcat tona të sigurisë". Ai e përshkroi rrëzimin pranë kufirit me Perunë si "thellësisht të trishtueshëm për vendin".
Municionet e transportuara në bord shpërthyen pas një zjarri në aeroplan, tha më vonë Sánchez. Aksidenti ishte një nga më vdekjeprurësit në historinë e kohëve të fundit për Forcat Ajrore Kolumbiane.
Në një postim në X, Presidenti Gustavo Petro e quajti aksidentin "të tmerrshëm".
Në postimin e gjatë, ai gjithashtu fajësoi "problemet burokratike" për pengimin e planeve të tij për modernizimin e pajisjeve dhe avionëve të forcave të armatosura: "Nuk do të lejoj vonesa të mëtejshme; jeta e të rinjve tanë është në rrezik."/Përshtati në shqip Piranja News
