VIDEO/ "Sa doni për vajzën?"/ Turisti kërkon...çmim për të ngacmuar seksualisht të renë nën moshë

Një video që po qarkullon në internet ka shkaktuar indinjatë dhe tregon momentin kur një turist hyn në një zyrë ekskursionesh në Agia Pelagia të Kretës dhe, sipas denoncimit, pyet pronaren se sa para kërkon për një vajzë të mitur që ndodhet e ulur e pavetëdijshme në ambientin e jashtëm.

Duke folur për Protothema, Vasilis Papadopetrakis, bashkëpronar i biznesit, tregon se si ndodhi ngjarja dhe shpreh zemërimin e tij për raste të tilla, të cilat, sipas tij, janë “qershia mbi tortë”.

“Ky turist na kishte rënë në sy edhe më parë. E shihnim prej 4-5 ditësh teksa kalonte përpara zyrës duke bërë vrap. Zyrën e menaxhon e dashura e vëllait tim, ndërsa vajza e vogël, e bija e një fqinji, vjen çdo ditë për t’i bërë shoqëri. Ditën e dytë që kaloi aty, ai ndaloi, shkoi te dera dhe e pyeti gruan se sa donte që t’i jepte vajzën e vogël”, tregon ai, cituar nga Protothema.

Më tej ai përshkruan edhe bisedën që zhvilluan:

“Ai i tha: ‘Flet frëngjisht? Sa kërkon për vajzën?’”.

Sipas Papadopetrakis, turisti më pas u largua dhe ai, së bashku me familjen e tij, njoftuan policinë, duke u treguar edhe hotelin ku qëndronte. Ata informuan gjithashtu edhe drejtuesit e njësisë hoteliere.

“Çuditërisht, ai nuk është identifikuar ende dhe ne kemi ndërmend të bëjmë kallëzim penal”, u shpreh ai.

Zoti Papadopetrakis nuk e fsheh zemërimin e tij për sjelljen e pakontrolluar të një pjese të vogël të turistëve që vizitojnë Kretën, të cilët, siç thotë ai, “mendojnë se me një kartëmonedhë 50-euroshe mund të bëjnë çfarë të duan”.

“Jemi prej vitesh në turizëm, pasi kemi edhe një biznes në fushën e ushqimit... Dhe nëse sytë tanë kanë parë shumë gjëra të ndryshme. Por tani situata ka dalë jashtë kontrollit... Ajo që ndodhi është qershia mbi tortë”.

Karakteristike është edhe një postim i publikuar me emrin e biznesit.

“Ky është zyra jonë e re. Dhe ky është momenti kur një burrë nga një hotel aty pranë hyn brenda – ai pritet me shumë mirësjellje, siç mund ta shihni – dhe pyet se sa para duhet të paguajë për të ‘blerë’ vajzën e vogël që është ulur jashtë dhe për të bërë gjëra me të.

Sigurisht, ne thirrëm policinë dhe kontaktuam hotelin, megjithatë nuk e dimë nëse ka pasur ndonjë zhvillim të mëtejshëm në këtë çështje. Është absolutisht e neveritshme dhe ne nuk do ta tolerojmë, as në ambientin tonë dhe as askund tjetër.

Nëse dikush mund ta njohë këtë person, ju lutemi të na kontaktojë.

Më vjen keq që ky nuk është një postim i këndshëm, por incidente të tilla duhet të trajtohen.

Përditësim: E kuptoj që të gjithë janë të zemëruar dhe të tronditur. Edhe ne jemi njësoj. Por imagjinoni që në atë moment në zyrë ndodhej një vajzë e re, e cila ishte përgjegjëse për ambientin, ndërsa jashtë ishte ulur një fëmijë. Meqenëse ishte pasdite, nuk kishte shumë njerëz përreth.

Edhe pse i kuptojmë reagimet e të gjithëve dhe ato që sugjerojnë t’i bëhen këtij ‘burri’, për ata që ndodheshin aty ishte një situatë vërtet e frikshme.

Pronari i hotelit na tha se do ta merrnin përsipër çështjen. Megjithatë, unë kam ndërmend t’i kontaktoj përsëri për të mësuar se çfarë ka ndodhur.

Qëllimi i vërtetë i këtij postimi nuk është që ne të gjejmë vetë personin në fjalë, pasi autoritetet tashmë kanë të dhënat e tij. Është që t’u tregojmë të gjithëve se diçka e tillë mund të ndodhë kudo dhe në çdo moment, si dhe t’u kujtojmë prindërve se sa e rëndësishme është t’i informojnë fëmijët e tyre dhe t’i mësojnë ata të jenë të kujdesshëm dhe të qëndrojnë të sigurt”. /PiranjatNews/