Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
BOTA
SHBA refuzoi planin e Iranit për armëpushim, rritet sërish çmimi i naftës
PiranjatPërditësimi i fundit 11 May 2026, 08:51
Çmimet e naftës shënuan sërish rritje në tregjet aziatike të hënën, pas përshkallëzimit të ri të tensioneve mes SHBA-së dhe Iranit dhe refuzimit kategorik nga Presidenti amerikan Donald Trump ndaj përgjigjes së Teheranit për një propozim paqeje të Uashingtonit.
Nafta Brent u rrit me 4.30%, duke arritur në 105.6 dollarë për fuçi, ndërsa nafta amerikane WTI shënoi një rritje prej 4.72%, në 99.92 dollarë për fuçi.
Sipas raportimeve, lëvizja e tregjeve u nxit nga një postim i Trump në rrjetet sociale të dielën në mbrëmje, ku ai e cilësoi përgjigjen iraniane si “krejtësisht të papranueshme”.
Presidenti amerikan nuk zbuloi detaje të plota të propozimit të Teheranit, por paralajmëroi se në mungesë të një marrëveshjeje të menjëhershme, situata mund të çojë në një tjetër përshkallëzim ushtarak.
Raportohet se Irani kishte propozuar ndalimin e menjëhershëm të armiqësive në të gjitha frontet, heqjen e bllokadës amerikane ndaj eksporteve iraniane dhe njohjen e rolit të Teheranit në menaxhimin e Strait of Hormuz.
Megjithatë, aleatët rajonalë të SHBA-së kundërshtuan kategorikisht çdo mundësi që Irani të kontrollojë këtë kalim strategjik detar ose të vendosë tarifa për kalimin e anijeve.
Vetëm pak orë para refuzimit të propozimit, Trump kishte akuzuar publikisht Teheranin se “po luan lojëra” dhe po përpiqet të zvarrisë negociatat, duke lënë të kuptohet se durimi i Uashingtonit ndaj bisedimeve po shteron.
