Dy reparte ushtarake, konkretisht ai 3001 dhe 1001 kanë një plan investimesh prej 25.7 miliardë lekësh ose 271 milionë eurosh nga bux...
BOTA
Shpërthen zjarr në avion, pasagjerët evakuohen të tmerruar
PiranjatPërditësimi i fundit 10 Shtator 2026, 22:34
“Dyshohet se një powerbank (bateri portative) në bagazhin e dorës së një pasagjeri shkaktoi fillimin e një zjarri në një avion që po lëvizte në pistë në aeroportin e Malpensas, duke bërë që avioni të evakuohej.
Fillimisht, aeroporti u mbyll për të mundësuar kryerjen e të gjitha operacioneve në mënyrë të sigurt. Në orën 18:30 u rihap pista 35L, ndërsa pista e dytë, 35R, u rikthye në përdorim një orë më vonë, në 19:30. Aeroporti tashmë është rikthyer në funksionimin e plotë.”
Tymi në bord, më pas evakuimi
Fluturimi i EasyJet, në të cilin ndodhi fillimi i zjarrit, ishte nisur për në Pragë në orën 17:31, me 146 pasagjerë në bord. Avioni ndodhej në fazën e rrotullimit/taksimit në një rrugë lidhëse të aeroportit.
Sipas informacioneve të marra, komandanti i avionit dyshohet se ka deklaruar “Mayday” për shkak të pranisë së tymit në bord.
Menjëherë u aktivizuan të gjitha procedurat e emergjencës dhe pasagjerët u nxorën nga avioni përmes rrëshqitëseve të emergjencës.
Të gjithë pasagjerët janë jashtë rrezikut, përveç dy prej tyre, të cilët pësuan dëmtime të lehta gjatë zbritjes.
Siç u tha, për shkak të aktivizimit të procedurave të sigurisë, operimet në aeroport u pezulluan përkohësisht. Më pas, ato rifilluan rreth orës 19:30. /PiranjatNews/
