Nga data 2 nëntor, shërbimi i dializës realizohet përmes OSHIS, shoqërisë shtetëtore që u ngrit fillimisht për ofr...
BOTA
Si do të përfundojë lufta SHBA-Iran? Ekspertët: Do kemi një konflikt të zgjatur dhe…
PiranjatPërditësimi i fundit 4 September 2026, 13:34
Konflikti mes SHBA-ve dhe Iranit po hyn në muajin e shtatë, ndërsa mundësia për një marrëveshje të shpejtë duket gjithnjë e më e largët. Dy vendet kanë vijuar shkëmbimin e sulmeve dhe deklaratave të ashpra, ndërsa Uashingtoni ka shtuar presionin ekonomik ndaj Teheranit.
Sipas ekspertëve, SHBA-të po përpiqen të dobësojnë Iranin përmes kombinimit të presionit ushtarak dhe sanksioneve, me shpresën se Teherani do të rikthehet në tryezën e negociatave. Megjithatë, Irani pritet të vazhdojë rezistencën dhe të kërkojë lëshime nga Uashingtoni përpara se të pranojë një marrëveshje.
Një tjetër pikë kyçe mbetet Ngushtica e Hormuzit, përmes së cilës kalon një pjesë e rëndësishme e tregtisë globale të naftës. Ekspertët paralajmërojnë se vazhdimi i tensioneve mund të sjellë pasoja të mëdha për ekonominë botërore.
Sipas Nicholas Hopton, ish-ambasador britanik në Iran, rruga më e mundshme për daljen nga konflikti është rikthimi te memorandumi i mirëkuptimit të nënshkruar në qershor, i cili synonte një armëpushim të përhershëm dhe një marrëveshje mes palëve.
Ai vlerëson se heqja e sanksioneve amerikane ndaj Iranit mund të krijonte kushtet për një marrëveshje më të gjerë dhe për ndryshime graduale brenda vendit.
Në mungesë të një kompromisi, ekspertët parashikojnë një konflikt të zgjatur dhe të paqartë, me sulme periodike, presion ekonomik dhe tension të vazhdueshëm në Gjirin Persik.
