L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
BOTA
I dyshuar për fshehje vrasjeje dhe zhdukje trupi, bie në pranga shefi i Policisë së Beogradit, ja lidhja e tij me Vuçiç
PiranjatPërditësimi i fundit 16 Maj 2026, 17:40
Shefi i policisë së Beogradit, Veselin Miliç, është arrestuar në kuadër të një hetimi të gjerë që po zhvillohet për vrasjen dhe zhdukjen e Aleksandar Nesoviç, i njohur si “Baja”, i cili u pa për herë të fundit më 12 maj 2026, pas qëndrimit në restorantin “27” në zonën e Senjakut në Beograd.
Bazuar në të dhënat e prokurorisë së Lartë Publike në Beograd, operacioni u zhvillua nga Drejtoria e Policisë Kriminale, Shërbimi për Shtypjen e Krimit si edhe nga Njësia e Krimit të Organizuar të Ministrisë së Brendshme të Serbisë.
Autoritetet kanë bërë me dije, se Miliç është ndaluar për 48 orë, me dyshimin se ka kryer veprat penale “moslajmërim i veprës penale dhe autorit” si dhe “ndihmë pas kryerjes së veprës penale”.
Spas hetimeve paraprake, dyshohet se shefi i policisë, ka pasur kontakte ose ka qenë i pranishëm në rrethana të tilla që lidhjen me zhdukjen e personit, ndërkohë që poi verifikohet roli i tij i mundshëm në mosraportimin e ngjarjes apo në pengimin e zbardhjes së saj.
Në të njëjtin operacion kanë rënë në pranga edhe tetë persona të tjerë, ku tre prej tyre janë zyrtarë të policisë. Mes të ndaluarve ndodhet edhe Sasa Vukoviç “Boske”, i dyshuar për tentativë vrasjeje të rëndë, armëmbajtje pa leje dhe shkaktim rreziku të përgjithshëm, si dhe bashkëshortja e tij DV, e dyshuar se ka ndihmuar në sigurimin e armës së përdorur në një krim tjetër.
Veselin Miliç njihet si një nga drejtuesit më të lartë të policisë serbe, i lindur në vitin 1979 në Priboj, ai ka përfunduar Shkollën e Mesme të Punëve të Brendshme në Sremska Kamenica dhe Akademinë e Policisë në Beograd.
Miliç ka shërbyer gjithashtu edhe si këshilltar për çështje të sigurisë dhe luftën kundër korrupsionit për Vuçiç, ndërsa është rikthyer në krye të policisë së Beogradit në vitin 2020.
