Pas krimit, i riu është larguar nga banesa, ndërsa më vonë është paraqitur vetë në kazermën e karabinierë...
BOTA
Skandali/ Serbia pret me nderime ushtarake arkivolin e 'Kasapit të Ballkanit', Ratko Mlladiç
PiranjatPërditësimi i fundit 3 September 2026, 20:58
Aeroplani me trupin e pajetë të Ratko Mlladiçit, i dënuar për gjenocid dhe krime lufte në Bosnje e Hercegovinë, ateroi të enjten, 3 shtator, në aeroportin “Nikola Tesla” të Beogradit
Avioni i qeverisë serbe, që transportonte trupin e gjeneralit Ratko Mladić, u ul në aeroportin “Nikola Tesla” të Beogradit rreth orës 17:50 informon agjencia serbe e lajmeve.
Arkivoli me trupin e gjeneralit Mladić u prit nga pjesëtarë të Ushtrisë Serbe dhe ishte mbuluar me flamujt e Serbisë dhe të Republikës Srpska.
Pjesëtarët e Forcave të Armatosura Serbe e transportuan arkivolin me trupin e Mladiçit drejt automjetit që do ta dërgojë atë në Akademinë Mjekësore Ushtarake, ku do të kryhet autopsia.
Në aeroplanin që erdhi nga Haga ndodhej djali i Mlladiçit, Darko Mlladiç, mbesa Anastasija, Nenad Vujiç, si dhe dy bashkëluftëtarë të Mlladiçit.
Më pas kolona e automjeteve që transporton arkivolin me trupin e gjeneralit Ratko Mladiç është nisur nga aeroporti ‘Nikola Tesla’ drejt Akademisë Mjekësore Ushtarake (VMA).
Në pamjet e publikuara nga mediat dhe në rrjetet sociale, shihet se në disa pika janë mbledhur grupe qytetarësh në mbikalime, për t’i bërë nderimet e fundit Mladiçit, shkruan Tanjug.
Presidenti i Serbisë, Aleksandar Vuçiç, kishte thënë më herët se pret që djali i Mlladiqit “në ditët në vijim t’i njoftojë të gjithë për atë që dëshiron familja”.
Ai shtoi se shteti do të jetë i gatshëm të ofrojë çdo lloj mbështetjeje logjistike, transporti dhe mbështetje tjetër, si dhe të ndihmojë në ruajtjen e rendit publik, paqes dhe sigurisë.
“Ne do të jemi këtu për të ofruar çdo lloj mbështetjeje logjistike, transporti dhe mbështetjeje për të ruajtur rendin publik, paqen dhe sigurinë”, tha Vuçiç.
Më herët, ministri serb Vujiç tha se Mlladiçi do të varrosej me nderime të larta shtetërore. Mlladiçi vdiq më 27 gusht në Tribunalin e Hagës, teksa ishte i shtruar në spital.
Pak ditë më parë BE deklaroi qëndrimin e qartë se çdo glorifikim i kriminelëve të luftës është në kundërshtim me vlerat më themelore evropiane dhe nuk ka vend as në Bashkimin Evropian dhe as në vendet kandidate.
Ish-udhëheqësi ushtarak serb i Bosnjës, Ratko Mlladiç, i njohur me nofkën "Kasapi i Ballkanit", i dënuar me burgim të përjetshëm nga gjykatat ndërkombëtare, veçanërisht për gjenocidin e Srebrenicës në vitin 1995, vdiq të enjten, më 27 gusht, njoftoi televizioni kombëtar serb (RTS).
Foto: Një grup njerëzish u mblodhën në një urë mbi një autostradë ku vendosën një baner me mbishkrimin "Ratko Mlladiq, hero serb" në Beograd më 3 shtator.
