Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
BOTA
Sot nis Viti i Ri Kinez 2026 – Viti i Kalit të Zjarrit
PiranjatPërditësimi i fundit 17 February 2026, 15:11
Ndryshe nga e gjithë bota, në Kinë festimet e Vitit të Ri bazohen në kalendarin hënor dhe jo në atë gregorian, ku data ndryshon çdo vit në varësi të hënës së re, që këtë vit bie në mes të shkurtit. Për kinezët, ky muaj nuk është thjesht fillimi i një viti të ri, por edhe simbol i pranverës, ndaj quhet Festivali i Pranverës. Festimet zgjasin 15 ditë dhe përfundojnë me Festivalin e Fenerëve, duke sjellë ngjyra, dritë dhe tradita të pasura kulturore.
Traditat më të njohura përfshijnë darkën e ribashkimit familjar, pastrimin simbolik të shtëpisë për të larguar fatkeqësinë e vitit të kaluar, dhënien e zarfeve të kuq me para dhe urime për fat dhe begati, si dhe dekorimet me ngjyrë të kuqe që simbolizojnë gëzim dhe mbrojtje.
Sipas kalendarit kinez, çdo vit lidhet me një nga 12 kafshët e zodiakut. Viti 2026 është Viti i Kalit, shenjë e njohur për energji, lëvizje, guxim dhe ambicie. Përveç kësaj, çdo shenjë kombinohet me një nga pesë elementët – dru, zjarr, tokë, metal dhe ujë. Këtë vit, Kali i Zjarrit premton një vit intensiv, plot pasion dhe vendosmëri, shpesh i lidhur me ndryshime të mëdha dhe ritëm të lartë.
