“Nuk jeni vetëm”, kanë qenë këto thirrjet e protestuesve ndërsa kanë mbërritur te Blloku i Sigurisë, në...
BOTA
Tensione në Novi Sad, Vuçiç anulon tubimin: Mjaft me terrorin në rrugë
PiranjatPërditësimi i fundit 2 Shtator 2026, 18:57
Presidenti i Serbisë, Aleksandar Vuçiç, ka shtyrë tubimin e paralajmëruar në Novi Sad dhe fjalimin e tij të planifikuar për 4 shtator. Ai deklaroi se e mori këtë vendim pasi, sipas tij, jeta e qytetarëve është prioriteti kryesor.
Vuçiç tha se policia nuk do të duhej të mbronte pjesëmarrësit në tubim “nga ata”, por “ata” nga qytetarët e zemëruar që, sipas tij, nuk mund ta tolerojnë “terrorin në rrugë”. Ai shtoi se i konsideron të dyja palët qytetarë të Serbisë dhe se nuk dëshiron që ndonjë jetë të vihet në rrezik për shkak të një demonstrimi të forcës politike.
“Pothuajse dy vjet më parë ndodhi një tragjedi e tmerrshme në Novi Sad. U shemb streha dhe humbën jetën 16 persona, mes tyre edhe fëmijë. Ajo tragjedi preku dhe ndryshoi secilin prej nesh”, deklaroi Vuçiç.
Presidenti serb tha se nderon kujtimin e viktimave dhe është i vetëdijshëm për ndikimin që kjo tragjedi ka pasur në të gjithë shoqërinë. Ai shtoi se ka kërkuar vazhdimisht përcaktimin e përgjegjësisë dhe ndëshkimin e personave përgjegjës, nëse institucionet konstatojnë fajësi.
“Jam i sigurt se askush nuk është i kënaqur me shpejtësinë e procedurës dhe përgjigjet e prokurorëve. Por përgjigjet nuk do t’i jap as unë si president dhe as ata në rrugë, por institucionet tona”, tha Vuçiç në një video-mesazh në llogarinë e tij në Instagram.
Vuçiç shprehet se nga shembja e strehës deri më sot, ata që fillimisht kërkonin drejtësi tani “kërkojnë poste” dhe se pushtetin e duan “më shumë se gjithçka”. Ai e cilësoi një synim të tillë si të ligjshëm dhe legjitim, por jo moral.
Presidenti serb shtoi se do t’u përgjigjet kërkesave të kundërshtarëve të tij politikë duke shpallur zgjedhje.
