Protesta kundër qeverisë Rama hyn sot në ditën e saj të 57-të. Qytetarët pritet të mblidhen sërish në mbr&eu...
BOTA
Tensioni Trump-Maduro/ SHBA sekuestron cisternën e dytë me naftë në brigjet e Venezuelës
PiranjatPërditësimi i fundit 20 Dhjetor 2025, 22:15
Shtetet e Bashkuara kanë sekuestruar një tjetër anije cisternë në ujërat ndërkombëtare pranë brigjeve të Venezuelës, shkruajnë mediat e huaja.
Ngjarja vjen vetëm disa ditë pasi Presidenti amerikan Donald Trump njoftoi një “bllokadë” ndaj të gjitha cisternave të naftës të sanksionuara që hyjnë dhe dalin nga Venezuela.
Ky është rasti i dytë brenda javëve të fundit që SHBA sekuestro cisternë me naftë pranë Venezuelës dhe ndodh në një kohë kur Uashingtoni ka rritur ndjeshëm praninë ushtarake në rajon, ndërsa Presidenti Donald Trump vijon të shtojë presionin ndaj Presidentit venezuelian Nicolas Maduro.
Tre zyrtarë, nuk thanë se ku po zhvillohej operacioni, por shtuan se Roja Bregdetare amerikane ishte në krye të tij.
Dy zyrtarë të tjerë, që folën për agjencinë Associated Press, konfirmuan gjithashtu operacionin.
Gazetarja e Al Jazeera-s, Heide Zhou-Castro, tha se ende nuk ka një konfirmim zyrtar nga autoritetet amerikane për këtë operacion.
“Ende po presim konfirmim nga Shtëpia e Bardhë dhe Pentagoni për detajet, përfshirë se cila anije ishte, ku ndodhej dhe nëse kjo anije ishte apo jo subjekt i sanksioneve amerikane,” tha ajo.
Në 10 dhjetor Presidenti Trump njoftoi sekuestrimin e cisternës së parë me naftë në Karaibe. Cisterna e sekuestruar ishte nën sanksione të Thesarit të Shteteve të Bashkuara që nga viti 2022 nën dyshimet se ishte pjesë e flotës globale të anijeve që janë përfshirë në kontrabandimin e naftës iraniane.
Administrata Trump pohon se po synon Venezuelën si pjesë e një përpjekjeje për të luftuar trafikun e drogës në rajon. Por Karakasi është kundërpërgjigjur duke thënë se Washingtoni po kërkon të “përvetësojë rezervat e mëdha të naftës së Venezuelës përmes përdorimit vdekjeprurës të forcës ushtarake”, duke sugjeruar se përpjekjet kundër drogës janë thjesht baza për një përpjekje për të larguar në mënyrë të paligjshme Maduron nga pushteti.
