Thellohet tragjedia në Ceuta, shkon në 84 numri i viktimave të krizës së emigracionit

Të paktën 17 migrantë të tjerë dyshohet se kanë humbur jetën teksa përpiqeshin të notonin drejt enklavës spanjolle të Ceutës nga Maroku. Trupat e tyre u gjetën nga forcat e sigurisë në bregdetin maroken, sipas raportimeve të mediave vendase.

Me zbulimin e këtyre trupave, si dhe 67 viktimave të gjetura nga autoritetet spanjolle në ujërat pranë Ceutës, numri i përgjithshëm i viktimave të krizës së fundit të emigracionit ka arritur në 84.

Sipas autoriteteve spanjolle, që nga fillimi i këtij viti, të paktën 30 persona të tjerë kanë humbur jetën gjatë përpjekjeve për të kaluar me not drejt Ceutës. Kriza e emigracionit në kufirin mes Marokut dhe enklavës spanjolle vazhdon të rëndohet, ndërsa autoritetet e të dy vendeve përballen me një fluks të lartë migrantësh dhe pasoja të rënda humanitare.