Disa herë gjatë kësaj vere në Angli temperaturat kanë shkuar mbi 35 gradë, dhe imagjinoni për një moment vapën dh...
BOTA
Tmerr në Beograd, 28-vjeçarja gjendet e vdekur në valixhe. Detaje të rënda nga krimi i të riut
PiranjatPërditësimi i fundit 1 Gusht 2026, 17:05
Një grua ruse 28-vjeçare, e zhdukur që nga fundi i korrikut, është gjetur e pajetë brenda një valixheje në një kanal pranë Beogradit. Për vrasjen e saj është arrestuar një shtetas turk 25-vjeçar, i cili dyshohet se po përpiqej të largohej nga Serbia.
Trupi u gjet të enjten në mbrëmje nga banorë të zonës pranë një kanali në Padinska Skela, një zonë me popullsi të rrallë në anën tjetër të lumit Danub, larg qendrës së Beogradit. Viktima u dërgua për ekzaminim mjeko-ligjor dhe më pas u identifikua si Lyudmila Turkova, 28-vjeçarja ruse që autoritetet po e kërkonin prej disa ditësh.
Sipas Ministrisë së Brendshme të Serbisë, i dyshuari kryesor për krimin është një shtetas turk 25-vjeçar, i cili u arrestua në aeroportin e Beogradit teksa po përpiqej të largohej nga vendi. Autoritetet nuk kanë bërë publik identitetin e tij.
Hetimet paraprake kanë zbuluar se 28-vjeçarja dyshohet se është vrarë në orët e para të 26 korrikut, në një apartament me qira në lagjen Borça. Më pas, i dyshuari dyshohet se e vendosi trupin e saj në një valixhe, e transportoi deri te Kanali Vizelj dhe e braktisi aty, në përpjekje për të fshehur gjurmët e krimit.
Lyudmila Turkova u zhduk në mbrëmjen e 25 korrikut, pasi ndaloi së iu përgjigjuri mesazheve të miqve të saj. Zhdukja u denoncua te autoritetet, të cilat nisën hetimet që çuan në identifikimin e trupit dhe arrestimin e të dyshuarit kryesor.
Çështja tashmë ndodhet në duart e prokurorëve serbë, të cilët po vijojnë hetimet për të zbardhur plotësisht rrethanat dhe motivet e krimit, raportoi agjencia ruse TASS. /PiranjatNews/
