Një qytetare që mori pjesë në protestë ka reaguar ashpër ndaj situatës në vend, duke ngritur shqetësime për ...
BOTA
Trump: Irani dëshiron shumë një marrëveshje, jemi në komunikim me personat e duhur
PiranjatPërditësimi i fundit 25 Mars 2026, 07:23
Presidenti i Shteteve të Bashkuara, Donald Trump, mbrëmjen e kaluar dha një përditësim mbi zhvillimet e luftës me Iranin dhe iu përgjigj pyetjeve të gazetarëve, duke ofruar disa deklarata kyçe mbi situatën aktuale dhe negociatat në vijim.
Trump u shpreh se administrata e tij është në komunikim me “personat e duhur” në Iran, duke shtuar se pala iraniane “dëshiron shumë të arrijë një marrëveshje”. Ai theksoi gjithashtu se në këto negociata janë të përfshirë edhe Zëvendëspresidenti JD Vance dhe Sekretari i Shtetit Marco Rubio.
Presidenti amerikan deklaroi se goditjet e përbashkëta të SHBA-së dhe Izraelit ndaj Iranit kanë sjellë “ndryshim regjimi”, megjithëse paralajmëroi se nuk i beson “askujt” në këtë proces.
Një tjetër element i paqartë nga deklaratat e tij ishte përmendja e një “shpërblimi shumë të rëndësishëm” që, sipas tij, i është ofruar SHBA-së nga negociatorët iranianë. Ai la të kuptohej se kjo lidhej me sektorin e naftës dhe gazit, si dhe me Ngushticën e Hormuzit, pa dhënë detaje të mëtejshme.
I pyetur mbi mundësinë e arritjes së një marrëveshjeje paqeje me Iranin, Trump u përgjigj shkurt: “Kjo luftë është fituar”.
Megjithatë, deklaratat e presidentit nuk ofruan qartësi mbi mënyrën konkrete se si mund të përfundojë konflikti. Po ashtu, ai nuk komentoi mbi mundësinë e dërgimit të trupave amerikane në Lindjen e Mesme, raporton BBC.
Ndërkohë, sipas raportimeve të CBS Neës, Pentagoni pritet të dërgojë trupa nga Divizioni i 82-të Ajror, përfshirë forca tokësore dhe elementë komandues, si pjesë e përgatitjeve të mundshme ushtarake në rajon.
