Trump kërcënon Omanin me bombardime nëse ndërhyn për Ngushticën e Hormuzit
Presidenti amerikan Donald Trump ka ashpërsuar retorikën në lidhje me situatën në Ngushticën e Hormuzit. Së fundmi, ai ka kërcënuar me sulme ndaj Omanit nëse vendi ndërhyn në këtë çështje gjatë përplasjes mes SHBA-së dhe Iranit.
Në një intervistë me gazetarin e Fox News, Trey Yingst, Trump deklaroi se Uashingtoni do të reagojë me forcë ndaj çdo përpjekjeje të Omanit për t’u përfshirë në çështjen e ngushticës.
“Nëse Omani na del përpara, do ta bombardojmë pa mëshirë”, deklaroi presidenti amerikan.
Deklarata e tij vjen në një moment delikat, teksa armëpushimi mes SHBA-së dhe Iranit pritet të përfundojë dhe e ardhmja e lëvizjes së anijeve përmes Ngushticës së Hormuzit mbetet një prej çështjeve kryesore të konfliktit.
Irani ka bërë të ditur se gjatë javës së kaluar ka zhvilluar negociata me Omanin lidhur me mënyrën e rihapjes së kësaj rruge strategjike për transportin detar të naftës.
Ndërkohë, memorandumi i mirëkuptimit i nënshkruar në qershor mes SHBA-së dhe Iranit synonte ndërprerjen e armiqësive dhe hapjen e rrugës për një marrëveshje përfundimtare brenda 60 ditësh. Afati ka përfunduar në mesnatë, por deri tani nuk është arritur një marrëveshje konkrete.
Lexo edhe
BOTA
Hawaii goditet nga stuhia “Lala”
BE përgatit paketë të re sanksionesh ndaj Rusisë, Kallas: Do të rrisim presionin ekonomik
Meta përballet me gjyqin që mund të ndryshojë Instagram dhe Facebook, 30 shtete amerikane kërkojnë kufizime të reja
Ministri izraelit: Duhet të vrasim 30-40 palestinezë çdo natë
Zjarret vënë në alarm Zvicrën/ Në skenë hyn dëbora artificiale si armë kundër flakëve
Skadon afati 60-ditor, SHBA dhe Irani pa marrëveshje: rritet rreziku i përshkallëzimit në Lindjen e Mesme
Pse Zvicra dëshiron të bëhet edhe më neutrale?
Pesë vjet pas marrjes së pushtetit nga talibanët, të rinjtë afganë mësohen të jetojnë nën sundimin shtypës
