“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
BOTA
Trump: Ndryshimi i regjimit është arritur në Iran, Khameini mund të jetë gjallë
PiranjatPërditësimi i fundit 30 Mars 2026, 08:48
Presidenti amerikan, Donald Trump, ka deklaruar se është i bindur për mundësinë e një “ndryshimi regjimi” në Iran, ndërsa theksoi se negociatat mes dy vendeve po zhvillohen në mënyrë pozitive.
Duke folur për gazetarët në bordin e Air Force One mbrëmjen e së dielës, Trump bëri të ditur se SHBA-të janë në kontakte si të drejtpërdrejta, ashtu edhe të tërthorta me Teheranin.
“Besoj se do të arrijmë një marrëveshje me ta. Jam mjaft i sigurt, edhe pse ekziston mundësia që të mos ndodhë. Nëse e shikoni situatën, tashmë kemi një ndryshim regjimi, sepse regjimi i parë u shkatërrua. Regjimi tjetër është pothuajse i zhdukur, ndërsa tani kemi të bëjmë me një grup krejtësisht të ndryshëm njerëzish”, u shpreh Trump.
Ai shtoi se pala iraniane ka treguar se und të jetë i arsyeshëm gjatë negociatave, ndërsa konfirmoi se Teherani i është përgjigjur planit amerikan me 15 pika për armëpushim.
“Ata na dhanë shumicën e pikave. Pse nuk do ta bënin?”, tha presidenti amerikan.
Megjithatë, Trump nuk dha detaje konkrete mbi përmbajtjen e negociatave, duke lënë të paqartë natyrën e lëshimeve të mundshme nga ana e Iranit.
Në deklaratat e tij, ai komentoi edhe për situatën në krye të udhëheqjes iraniane, duke thënë se udhëheqësi i ri suprem, Mojtaba Khamenei, “mund të jetë gjallë, por është në telashe serioze” dhe se “është plagosur rëndë”.
