Dashi Dielli dhe Jupiteri bashkohen në qiellin tuaj të dashurisë dhe mund të sjellin një takim të fuqishëm e të paharr...
BOTA
Trump tërheq 30 ambasadorë, preken edhe misionet në Ballkan
PiranjatPërditësimi i fundit 23 Dhjetor 2025, 16:09
Administrata e Donald Trump ka tërhequr nga detyra rreth 30 ambasadorë dhe diplomatë të tjerë të lartë amerikanë të vendosur jashtë vendit, në kuadër të riorganizimit të Departamentit të Shtetit dhe rritjes së rolit të të emëruarve besnikë ndaj administratës së re.
Sipas burimeve diplomatike, të cituara nga The Guardian, vendimi është konfirmuar nga disa diplomatë aktualë dhe ish-diplomatë të lartë. Tërheqja konsiderohet e pazakontë, pasi zakonisht diplomatët e karrierës që drejtojnë ambasadat qëndrojnë në poste edhe pas ndërrimit të administratave, për shkak të rolit të tyre apolitik.
Kritikët e kanë cilësuar këtë veprim si një “spastrim” të një shtrese profesionale të shërbimit diplomatik amerikan. Nga ana tjetër, një zyrtar i lartë i Departamentit të Shtetit ka deklaruar se procesi është standard, duke theksuar se ambasadorët janë përfaqësues personalë të Presidentit dhe se Trump ka të drejtë të zgjedhë individë që zbatojnë axhendën “Amerika e Para”.
Zyrtari ka sqaruar gjithashtu se diplomatët e tërhequr nuk do të shkarkohen, por do të ricaktohen në pozicione të tjera brenda shërbimit diplomatik.
