Dy punonjës policie janë pezulluar nga detyra pas vrasjes së 20-vjeçarit portugez Luis Miguel Varela Mendes në Ksamil. Konkretisht ...
BOTA
Ushtarët izraelitë damkosin palestinezët me numra: Njësoj si nazistët
PiranjatPërditësimi i fundit 19 Gusht 2026, 21:10
Qytetarët palestinezë u shënjuan me një numër të shkruar në ballë dhe në krahë nga ushtarët izraelitë në Bregun Perëndimor. Ky është rasti më i fundit shqetësues, i raportuar gjerësisht, i cili rikthen vëmendjen mbi sjelljen dhe dhunën e ushtarëve të IDF-së gjatë bastisjeve në territoret palestineze.
Sipas raportimeve, të shoqëruara me imazhe, disa banorë të qytetit verior të Bregut Perëndimor, Qabatiyah, u damkosën me numrin 44 gjatë një operacioni ushtarak izraelit në zonë. IDF pranoi veprimet, duke pretenduar se ushtarët u qortuan.
“Ja si duket dehumanizimi. E fshin qenien njerëzore dhe e shndërron atë në një numër”, - deklaroi hapur Ahmad Tibi, anëtar i Knessetit dhe udhëheqës i partisë arabo-izraelite, duke e quajtur atë “një imazh që të kujton kohërat e errëta”.
Praktika, e pranuar më vonë nga udhëheqësit ushtarakë të Tel Avivit, u dokumentua nga media lokale, e cila tregoi imazhe të disa palestinezëve me numrin 44 të shkruar me shënues në ballë dhe krahë, përfshirë gazetarin edhe Mahmoud Zakarneh. Sipas vetë banorëve, ushtarët izraelitë rrahën dhjetëra njerëz, duke i marrë në pyetje nën kërcënim përpara se t'i damkosnin me shënues.
IDF shpjegoi se arrestimet ishin pjesë e një operacioni spastrimi për të gjurmuar individë të dyshuar për planifikimin e sulmeve, që përfshinin mbi 50 ndërtesa në Bregun Perëndimor verior. Sipas zyrtarëve ushtarakë, ushtarët e përfshirë "i shënuan të dyshuarit e marrë në pyetje si pjesë e operacionit" për të mos ngatërruar ata që ishin kontrolluar tashmë.
IDF shpjegoi se kjo ishte sjellje e papërshtatshme dhe se ushtarët përgjegjës do të qortoheshin zyrtarisht, pa specifikuar se çfarë masash do të merreshin. Kjo nuk është hera e parë që ushtria izraelite është përfshirë në një sjellje të ngjashme. Prillin e kaluar, ushtarët shkruan numra në duart e grave palestineze në hyrje të kampit të refugjatëve në Jenin. Edh në atë rast, veprimi u etiketua si një "veprim i keq" dhe u premtuan masa disiplinore.
Prej javësh të tëra, Bregu Perëndimor ka parë një përshkallëzim të dhunës pas bastisjeve të dhunshme të përsëritura nga kolonët izraelitë që synojnë dëbimin e palestinezëve dhe rimarrjen e vendbanimeve, të gjitha nën syrin vigjilent të ushtrisë, e cila pothuajse kurrë nuk ndërhyn. Rasti më i habitshëm është pranë Nablusit, ku disa familje palestineze mbeten nën rrethim nga kolonët që po bllokojnë shpërndarjen e ushqimit dhe ujit, duke i detyruar banorët që zotërojnë shtëpitë e tyre t'i braktisin ato.
