Kosova prodhon qumësht, djathë, kos e produkte të tjera të bulmetit.
Fabrikat kanë investuar në teknologji, fermerët kan&e...
BOTA
VIDEO/ Lukashenko i dhuron një sniper Kim Jong Un: Ta kesh, nuk i dihet!
PiranjatPërditësimi i fundit 26 Mars 2026, 17:43
Presidenti i Bjellorusisë, Alexander Lukashenko, dhe udhëheqësi i Koresë së Veriut, Kim Jong Un, zhvilluan bisedime në kryeqytetin e Koresë së Veriut të enjten dhe nënshkruan një traktat miqësie dhe bashkëpunimi. Gjatë takimit midis Lukashenko dhe Kim shkëmbyen edhe disa dhurata me liderin bjellorus që i dhuroi një pushkë sulmi të tipit VSK, e prodhuar në Bjellorusi.
Ndërsa ia dorëzonte armën, Lukashenko deklaroi: “Armët e zjarrit do të jenë gjithmonë të nevojshme për një ushtar”.
Videoja gjithashtu tregoi Kim duke i paraqitur Lukashenkos një vazo të madhe mozaiku me një portret të liderit bjellorus, me udhëheqësin e Koresë së Veriut që shpjegoi po ashtu se për ta krijuar atë janë përdorur rreth 30 guaska deti.
Lukashenko tha ndër të tjera se fuqitë kryesore të botës “injorojnë dhe shkelin normat e së drejtës ndërkombëtare”, duke u dukur sikur kritikojnë Shtetet e Bashkuara. Kim ndërkohë tha se Koreja e Veriut kundërshton “presionin e paligjshëm mbi Bjellorusinë nga Perëndimi“.
Përveç traktatit të miqësisë dhe bashkëpunimit, të dy palët ranë dakord të zgjerojnë bashkëpunimin në sektorë që variojnë nga bujqësia deri te informacioni, thanë mediat shtetërore bjelloruse.
Vizita u përfundua me shoqërimin personal të Lukashenkos nga Kim në aeroport për një “lamtumirë të ngrohtë“.
